Mavrikii úkimeti Nagashiki Shipping Co japon kompaniiasyna tiesili júk kemesinen munai ónimderiniń jappai tógilýine qatysty ekologiialyq tótenshe jaǵdai rejimin engizdi. Bul týraly Kyodo agenttigi habarlady.
Munai ónimderiniń tógilýi araldyq memlekettiń jaǵalaýyndaǵy marjan rifterine qaýip tóndiredi. Apattyń aýqymy áli tolyq baǵalanbaǵan, biraq jer serigi arqyly túsirilgen sýretterde jaǵalaý aimaǵyna tógilgen úlken munai daqtary baiqalady. Mavrikii BUU-ǵa ekologiialyq apattyń saldaryn joiýǵa jedel kómek kórsetý týraly ótinish bildirdi.
Nagashiki Shipping Co. Ltd. málimdemesinde Wakashio kemesi 26 shildede araldyń shyǵys bóligindegi týrister arasynda tanymal Blue Bay jaǵajaiynyń janynda qairańda qaiyrlap qalǵan. Artynsha munai ónimderi tógilgen tesik paida bolǵany habarlandy. Panama jalaýyn kótergen keme Singapýrge soǵyp, Qytaidan Braziliiaǵa baǵyt alǵan. Onyń bortynda 4 myń tonnaǵa jýyq munai ónimi bolǵan. Muhit sýlaryna qansha otyn tógilgeni ázirge belgisiz.
