سوڭعى 10 جىل ٸشٸندە ۇقك تەررورلىق سيپاتتاعى 100 شاقتى زورلىق-زومبىلىق اكتسيياسىنىڭ الدىن الدى. «ەگەمەن قازاقستان» گازەتٸندەگٸ ماقالاسىندا قازاقستان رەسپۋبليكاسى ۇقك تٶراعاسى كەرٸم مەسٸموۆ وسىلاي جازدى, دەپ حابارلايدى "ۇلت اقپارات".
«15 جىل بۇرىن مەملەكەت باسشىسى ۇقك-گە كەلٸپ, وندا ارنايى قىزمەت جۇمىسى قالاي قۇرىلۋى كەرەكتٸگٸ تۋرالى ٶزٸنٸڭ كٶزقاراسى مەن باسىمدىقتارىن بەلگٸلەپ بەردٸ», دەپ جازادى قر ۇلتتىق قاۋٸپسٸزدٸك كوميتەتٸنٸڭ تٶراعاسى.
تٶراعانىڭ ايتۋىنشا, مەملەكەت باسشىسىنىڭ ستراتەگيياسىنا ساي ۇقك, ٶزگە دە مەملەكەتتٸك ورگاندارمەن بٸرگە, ٸشكٸ ساياسي تۇراقتىلىقتى, ۇلتارالىق جەنە كونفەسسيياارالىق كەلٸسٸمدٸ ساقتاۋدى قامتاماسىز ەتٸپ وتىر. «بٷگٸندە قازاقستان مەن ۇقك ورگاندارى العاش رەت حالىقارالىق تەرروريزم جەنە دٸني ەكسترەميزم سەكٸلدٸ قۇبىلىستارمەن بەتپە-بەت كەلدٸ. بٸز اتالعان توپتارمەن كٷرەستە جولداستارىمىزدىڭ ٶمٸرلەرٸن قۇربان ەتٸپ, اسا اۋىر ساباق الدىق.
سول جولى پرەزيدەنت ناقتى تاپسىرما - قازاقستاندىقتاردى وسى قاۋٸپ-قاتەرلەردەن قورعاۋ تۋرالى مٸندەت قويدى. قىسقا مەرزٸم ٸشٸندە ۇقك ورگاندارى دۇرىس قورىتىندىلار جاساپ, جاعدايدى باقىلاۋلارىنا الدى. ەلٸمٸزدە تەررورلىق ينفراقۇرىلىمدار قۇرۋ ەرەكەتٸ جٷزەگە اسىرىلماي تاستالسا, بٸرقاتار لاڭكەستٸكتەرگە دايىندىقتىڭ جولى كەسٸلدٸ. سوڭعى 10 جىل ٸشٸندە عانا ۇقك-نٸڭ تەرروريزمگە قارسى قىزمەتٸ تەررورلىق سيپاتتاعى 100 شاقتى زورلىق-زومبىلىق اكتسيياسىنىڭ الدىن الدى. حالىقارالىق تەررورلىق ۇيىمداردىڭ قازاقستانعا قاراي ۇمتىلىستارى جوققا شىعارىلدى. كٷردەلٸلٸگٸ جاعىنان بٸرەگەي وپەراتسييالار جٷزەگە اسىرىلىپ, «ورتالىق ازييا مودجاحەتتەرٸنٸڭ جامااتى», «دجۋند-ەل-حاليفات», «حيزب-ۋت-تاحرير» جەنە باسقا دا قۇرىلىمدار جويىپ جٸبەرٸلدٸ. ەرٸپتەس ارنايى قىزمەتتەرمەن بٸرگە ونداعان تەررورشىلار مەن ەكسترەميستەر ٸزدەپ تابىلىپ, ەكستراديتسييالاندى», - دەپ جازدى كەرٸم مەسٸموۆ.
وسى وپەراتسييالارعا 160-تان استام انتيتەررورلىق جەنە جەدەل-ەسكەري شارالار ٶتكٸزگەن ارنايى ماقساتتاعى «ا» قىزمەتٸنٸڭ قىزمەتكەرلەرٸ ٷلكەن ٷلەس قوسقان. «ولاردىڭ كٶپشٸلٸگٸ باتىلدىق پەن باتىرلىقتىڭ ەرەن ٷلگٸسٸن كٶرسەتكەندەرٸ ٷشٸن مەملەكەتتٸك ناگرادالارعا يە بولسا, ٶكٸنٸشكە قاراي, كەيبٸرەۋلەرٸ وپات بولدى. قازٸر ارنايى ماقساتتاعى «ا» قىزمەتٸ ەڭ زاماناۋي قارۋ-جاراق, ەكيپيروۆكا جەنە تەحنيكا ٷلگٸلەرٸمەن جاراقتانعان جوعارى كەسٸبي بٶلٸمشە بولىپ تابىلادى. ونىڭ جاۋىنگەرلەرٸ - ارنايى قىزمەتتٸڭ سٷزگٸسٸنەن ٶتكەن بەتكە ۇستارلارى دەۋٸمٸز كەرەك. ولار كٷن دەمەي, تٷن دەمەي اسا كٷردەلٸ ەسكەري مٸندەتتەردٸ شەشۋگە قابٸلەتتٸ. مۇنى 2016 جىلدىڭ جەلتوقسان ايىندا اتالعان قىزمەتتە بولعان كەزٸندە مەملەكەت باسشىسىنىڭ ٶزٸ ەرەكشە اتاپ كٶرسەتتٸ. سول جولى ەلباسى «ا» قىزمەتٸنٸڭ جەكە قۇرامىمەن ەڭگٸمە-دٷكەن قۇرىپ, بٶلٸمشەنٸڭ ماتەريالدىق-تەحنيكالىق بازاسىمەن تانىسقان بولاتىن», - دەلٸنگەن ماقالادا.
پرەزيدەنتتٸڭ ٶكٸمٸمەن 20 جىل بۇرىن تەرروريزم قاتەرٸنٸڭ ٶسە تٷسٸپ وتىرعانى ەسكەرٸلە كەلٸپ, قازاقستان رەسپۋبليكاسىنىڭ ۆەدومستۆوارالىق انتيتەررورلىق ورتالىعى (اتو) قۇرىلدى.
