فوتو: بەينەۋ ەكٸمدٸگٸ
ماڭعىستاۋ وبلىسىندا دالا ٶركەنيەتٸنٸڭ كٶنە ٸزٸ سانالاتىن قاراقاباق قالاشىعىندا ارحەولوگييالىق زەرتتەۋ جۇمىستارى جالعاسۋدا, دەپ حابارلايدى Ult.kz.
ماڭعىستاۋ وبلىسىنىڭ ەكٸمٸ نۇردەۋلەت قيلىباي ە.ح.مارعۇلان اتىنداعى ارحەولوگييا ينستيتۋتى ديرەكتورى اقان وڭعارۇلى جەنە ارحەولوگ اندرەي استافەۆپەن بٸرگە تٷپقاراعان اۋدانىنداعى قاراقاباق قالاشىعىنا بارىپ, ارحەولوگييالىق قازبا جۇمىستارىمەن تانىستى.
الدىمەن دەلەگاتسييا ە.كەكٸلبايۇلى اتىنداعى ماڭعىستاۋ وبلىستىق تاريحي-ٶلكەتانۋ مۋزەيٸ قورىندا ساقتالعان قاراقاباقتان تابىلعان تاريحي جەدٸگەرلەردٸ كٶردٸ. كەيٸن ارحەولوگييالىق نىساندا جٷرگٸزٸلٸپ جاتقان عىلىمي-زەرتتەۋ جۇمىستارىنىڭ نەتيجەلەرٸ تالقىلاندى.
مامانداردىڭ مەلٸمەتٸنشە, قاراقاباق قالاشىعى بٸزدٸڭ زامانىمىزدىڭ I–VI عاسىرلارىنا جاتاتىن كٶنە ساۋدا جەنە قولٶنەر ورتالىعى بولعان. عالىمدار بۇل ٶڭٸر ارقىلى 2000 جىل بۇرىن حالىقارالىق ساۋدا بايلانىستارى جٷرگەنٸن ايتادى.
ارحەولوگتاردىڭ پايىمداۋىنشا, قاراقاباق ۇلى جٸبەك جولىنىڭ سولتٷستٸك تارماعىنداعى ماڭىزدى تەڭٸز-قۇرلىق ساۋدا تورابى رەتٸندە كاسپيي ماڭى ەلدەرٸنٸڭ ساياسي جەنە ەكونوميكالىق قاتىناستارىندا ەرەكشە رٶل اتقارعان.
قالاشىقتان ۆيزانتييا, ٷندٸستان, ريم, پارسى جەنە قىتايمەن بايلانىستى دەلەلدەيتٸن تيىندار, مٶرلەر, قىش ىدىستار مەن باسقا دا تاريحي جەدٸگەرلەر تابىلعان. سونىمەن قاتار كٶنە پورتتىڭ ٸزدەرٸ, قولٶنەر ٶندٸرٸسٸ مەن تەڭٸز ساۋداسىنا قاتىستى ماڭىزدى دەرەكتەر انىقتالعان.
ٶڭٸر باسشىسى نۇردەۋلەت قيلىباي قاراقاباقتىڭ تاريحي ماڭىزى زور ەكەنٸن اتاپ ٶتتٸ. ونىڭ ايتۋىنشا, بۇل جاڭالىقتار ماڭعىستاۋدىڭ كٶنە ٶركەنيەتتەر مەن حالىقارالىق ساۋدا جٷيەسٸندەگٸ ورنىن ايقىنداي تٷسەدٸ.
– قازٸرگٸ تٸلمەن ايتقاندا, بۇل ٶز دەۋٸرٸنٸڭ ٸرٸ لوگيستيكالىق حابى بولعان. بۇل دەرەكتەر اتا-بابالارىمىز تەك كٶشٸپ-قونىپ, مال شارۋاشىلىعىمەن اينالىستى دەگەن تٷسٸنٸكتٸ جوققا شىعارادى. كەرٸسٸنشە, مۇندا ٷلكەن ساۋدا اينالىمى جٷرگەنٸن دەلەلدەيدٸ, – دەدٸ ەكٸم.
