فوتو: تەاتردىڭ باسپاسٶز قىزمەتٸ
ع.مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترى جاڭا ماۋسىمنىڭ تاعى بٸر ەسەرلٸ پرەمەراسىمەن قۋانتتى. ناۋرىزدىڭ 7-8 كٷندەرٸ بارزۋ ابدۋراززاكوۆتىڭ «سەلەم, ماما, بۇل مەن!» پەساسىنىڭ جەلٸسٸ بويىنشا ساحنالاناتىن «ماما» قويىلىمى كٶرەرمەنگە ۇسىنىلدى, دەپ حابارلايدى Ult.kz.
قويىلىمنىڭ رەجيسسەرٸ – فارحاد مولداعالي, ال باستى رٶلدەردە تالانتتى اكتەرلەر ليدييا كەدەن, كٷلجەميلە بەلجانوۆا, قازبەك تٶلەن جەنە ەلدار وتارباەۆ ٶنەر كٶرسەتەدٸ.
فوتو: تەاتردىڭ باسپاسٶز قىزمەتٸ
«ماما» قويىلىمى وتباسىلىق قارىم-قاتىناس پەن ادامگەرشٸلٸك قۇندىلىقتاردى كٶرەرمەنگە جاڭا قىرىنان كٶرسەتەدٸ. سپەكتاكل سيۋجەتٸ قارت انا مەن ونىڭ جۇمىسباستى ۇلىنىڭ تەلەفون ارقىلى سٶيلەسۋلەرٸنە نەگٸزدەلگەن. قاراپايىم ديالوگتار ارقىلى انا مەن بالا اراسىنداعى نەزٸك قارىم-قاتىناس, مەيٸرٸم مەن سٷيٸسپەنشٸلٸك, ۋاقىتتىڭ قۇندىلىعى شەبەر جەتكٸزٸلەدٸ. ەڭگٸمەلەر «بوس» سيياقتى كٶرٸنگەنٸمەن, ولار ەربٸر ادامنىڭ جٷرەگٸنە جاقىن مەڭگٸلٸك تاقىرىپتاردى قوزعايدى.
فوتو: تەاتردىڭ باسپاسٶز قىزمەتٸ
كەيٸپكەر ۇلىنىڭ اناسىنا دەگەن قارىم-قاتىناسى بٸرتٸندەپ ٶزگەرە باستايدى. ەربٸر قوڭىراۋ – بۇل جاقىن ادامداردىڭ بٸر-بٸرٸن تٷسٸنۋگە ۇمتىلىسى مەن ماحابباتتىڭ شەكسٸزدٸگٸنە تەرەڭ بويلاۋ.
8 ناۋرىز - حالىقارالىق ەيەلدەر كٷنٸ مەرەكەسٸنە وراي قويىلعان جاڭا قويىلىم ەر ادامدى ٶز اتا-اناسى مەن جاقىندارىنا نازار اۋدارۋعا, قامقورلىق پەن سٷيٸسپەنشٸلٸك كٶرسەتۋگە تاعى بٸر مەرتە شاقىرىپ, وتباسىلىق قۇندىلىقتاردى ەسكە سالادى.
