Foto: teatrdyń baspasóz qyzmeti
Ǵ.Músirepov atyndaǵy Qazaq memlekettik akademiialyq balalar men jasóspirimder teatry jańa maýsymnyń taǵy bir áserli premerasymen qýantty. Naýryzdyń 7-8 kúnderi Barzý Abdýrazzakovtyń «Sálem, Mama, bul men!» pesasynyń jelisi boiynsha sahnalanatyn «Mama» qoiylymy kórermenge usynyldy, dep habarlaidy Ult.kz.
Qoiylymnyń rejisseri – Farhad Moldaǵali, al basty rólderde talantty akterler Lidiia Káden, Kúljámilá Beljanova, Qazbek Tólen jáne Eldar Otarbaev óner kórsetedi.
Foto: teatrdyń baspasóz qyzmeti
«Mama» qoiylymy otbasylyq qarym-qatynas pen adamgershilik qundylyqtardy kórermenge jańa qyrynan kórsetedi. Spektakl siýjeti qart ana men onyń jumysbasty ulynyń telefon arqyly sóilesýlerine negizdelgen. Qarapaiym dialogtar arqyly ana men bala arasyndaǵy názik qarym-qatynas, meiirim men súiispenshilik, ýaqyttyń qundylyǵy sheber jetkiziledi. Áńgimeler «bos» siiaqty kóringenimen, olar árbir adamnyń júregine jaqyn máńgilik taqyryptardy qozǵaidy.
Foto: teatrdyń baspasóz qyzmeti
Keiipker ulynyń anasyna degen qarym-qatynasy birtindep ózgere bastaidy. Árbir qońyraý – bul jaqyn adamdardyń bir-birin túsinýge umtylysy men mahabbattyń sheksizdigine tereń boilaý.
8 Naýryz - Halyqaralyq áielder kúni merekesine orai qoiylǵan jańa qoiylym ár adamdy óz ata-anasy men jaqyndaryna nazar aýdarýǵa, qamqorlyq pen súiispenshilik kórsetýge taǵy bir márte shaqyryp, otbasylyq qundylyqtardy eske salady.
