ليۆانداعى قازاقستاندىق بٸتٸمگەرلەر بەيرۋتتاعى جارىلىستان زارداپ شەككەن جوق. بۇل تۋرالى قر قورعانىس مينيسترلٸگٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
«ليۆاندا بۇۇ ميسسيياسىنىڭ قۇرامىندا قىزمەت ەتٸپ جاتقان قازاقستاندىق بٸتٸمگەرلەر بەيرۋتتا بولعان جارىلىس سالدارىنان زارداپ شەككەن جوق. قازاقستاندىق بٶلٸمشە تٶتەنشە جاعداي بولعان جەردەن شالعايدا ورنالاسقان. قازٸرگٸ ۋاقىتتا قازاقستاندىق ەسكەري قىزمەتشٸلەردٸڭ تٶتەنشە جاعداي سالدارىن جويۋعا جۇمىلدىرىلۋى جوسپارلانىپ وتىرعان جوق», - دەدٸ قر قورعانىس مينيسترلٸگٸنٸڭ باسپاسٶز قىزمەتٸ.
قر قورعانىس مينيسترلٸگٸ اقپارات جەنە كوممۋنيكاتسييا دەپارتامەنتٸنٸڭ باستىعى پولكوۆنيك ەسەت اققوزينوۆ تە قازاقستاندىق بٸتٸمگەرلەردٸڭ جارىلىس سالدارىن جويۋعا قاتىسپايتىندىعىن ايتتى.
«الاڭداۋشىلىق تانىتىپ, ساۋال جولداپ جاتقاندارىڭىز ٷشٸن ريزاشىلىق بٸلدٸرەمٸز. بٸزدٸڭ بٶلٸمشە وقيعا بولعان جەردەن شالعايدا ورنالاسقان. ولاردا بەرٸ جاقسى جەنە جارىلىس سالدارىن جويۋعا قاتىسۋى جوسپارلانباعان», - دەدٸ ول.
قازاقستاننىڭ ليۆانداعى بٸتٸمگەرشٸلٸك ميسسيياسى 2018 جىلدىڭ قازان ايىندا بۇۇ-نىڭ مانداتىنا سەيكەس ليۆاندا قازاقستاندىق جەنە ٷندٸ بٸتٸمگەرلەرٸن بٸرلەسٸپ ٶرٸستەتۋ تۋرالى مەموراندۋمعا قول قويىلعاننان كەيٸن باستاعان بولاتىن.
وسى ايدىڭ باسىندا عانا قازاقستان ليۆانعا تٶرتٸنشٸ بٸتٸمگەرلەر توبىن جٸبەرگەن ەدٸ.
ەسكە سالا كەتەيٸك, 4 تامىزدا ليۆاننىڭ ەسكەري-تەڭٸز كٷشتەرٸ (ەتك) بازاسىنا جاقىن بەيرۋت پورتى اۋدانىندا جويقىن جارىلىس بولدى.
جارالىس سالدارىنان قازاقستاننىڭ سٸم ليۆانداعى قازاقستاننىڭ ديپلوماتييالىق ميسسيياسى عيماراتىنا زييان كەلگەن.
جارىلىس كەزٸندە ديپلوماتييالىق ميسسييانىڭ قىزمەتكەرلەرٸ جۇمىس كٷنٸ اياقتالعاننان كەيٸن جۇمىس ورنىنان كەتٸپ قالعان. كونسۋل جۇمىستا قالعان بولاتىن جەنە جارىلىس تولقىنى سالدارىنان جەڭٸل جاراقات الدى.
بۇعان دەيٸن حابارلاعانداي, 5 تامىز كٷنٸ بەيرۋت ۋاقىتىمەن ساعات 00:30-دا ليۆاننىڭ دەنساۋلىق ساقتاۋ مينيسترٸ مۇحاممەد حاسان جارىلىستان قازا تاپقاندار سانى 70-كە جەتكەنٸن, 4 مىڭعا جۋىق تۇرعىن جاراقات العانىن مەلٸمدەدٸ.
ەلەم ەلدەرٸنٸڭ, حالىقارالىق ۇيىمداردىڭ باسشىلارى مەن پرەمەر-مينيسترلەرٸ 4 تامىزدا ليۆاننىڭ ەسكەري-تەڭٸز كٷشتەرٸ (ەتك) بازاسىنا جاقىن بەيرۋت پورتى اۋدانىندا بولعان جارىلىسقا بايلانىستى ليۆان حالقىنا كٶڭٸل ايتىپ, شۇعىل كٶمەك كٶرسەتۋگە دايىن ەكەنٸن بٸلدٸردٸ.
