Livandaǵy qazaqstandyq bitimgerler Beirýttaǵy jarylystan zardap shekken joq. Bul týraly QR Qorǵanys ministrliginiń baspasóz qyzmetinen málim etti, dep habarlaidy "Ult aqparat".
«Livanda BUU missiiasynyń quramynda qyzmet etip jatqan qazaqstandyq bitimgerler Beirýtta bolǵan jarylys saldarynan zardap shekken joq. Qazaqstandyq bólimshe tótenshe jaǵdai bolǵan jerden shalǵaida ornalasqan. Qazirgi ýaqytta qazaqstandyq áskeri qyzmetshilerdiń tótenshe jaǵdai saldaryn joiýǵa jumyldyrylýy josparlanyp otyrǵan joq», - dedi QR Qorǵanys ministrliginiń baspasóz qyzmeti.
QR Qorǵanys ministrligi Aqparat jáne kommýnikatsiia departamentiniń bastyǵy polkovnik Áset Aqqozinov te qazaqstandyq bitimgerlerdiń jarylys saldaryn joiýǵa qatyspaityndyǵyn aitty.
«Alańdaýshylyq tanytyp, saýal joldap jatqandaryńyz úshin rizashylyq bildiremiz. Bizdiń bólimshe oqiǵa bolǵan jerden shalǵaida ornalasqan. Olarda bári jaqsy jáne jarylys saldaryn joiýǵa qatysýy josparlanbaǵan», - dedi ol.
Qazaqstannyń Livandaǵy bitimgershilik missiiasy 2018 jyldyń qazan aiynda BUU-nyń mandatyna sáikes Livanda qazaqstandyq jáne úndi bitimgerlerin birlesip óristetý týraly memorandýmǵa qol qoiylǵannan keiin bastaǵan bolatyn.
Osy aidyń basynda ǵana Qazaqstan Livanǵa tórtinshi bitimgerler tobyn jibergen edi.
Eske sala keteiik, 4 tamyzda Livannyń áskeri-teńiz kúshteri (ÁTK) bazasyna jaqyn Beirýt porty aýdanynda joiqyn jarylys boldy.
Jaralys saldarynan Qazaqstannyń SIM Livandaǵy Qazaqstannyń diplomatiialyq missiiasy ǵimaratyna ziian kelgen.
Jarylys kezinde diplomatiialyq missiianyń qyzmetkerleri jumys kúni aiaqtalǵannan keiin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy.
Buǵan deiin habarlaǵandai, 5 tamyz kúni Beirýt ýaqytymen saǵat 00:30-da Livannyń Densaýlyq saqtaý ministri Muhammed Hasan jarylystan qaza tapqandar sany 70-ke jetkenin, 4 myńǵa jýyq turǵyn jaraqat alǵanyn málimdedi.
Álem elderiniń, halyqaralyq uiymdardyń basshylary men premer-ministrleri 4 tamyzda Livannyń áskeri-teńiz kúshteri (ÁTK) bazasyna jaqyn Beirýt porty aýdanynda bolǵan jarylysqa bailanysty Livan halqyna kóńil aityp, shuǵyl kómek kórsetýge daiyn ekenin bildirdi.
