كٶرنەكٸ فوتو: zhetysu.gov.kz
پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ قىتايمەن شەكاراداعى كەدەندە كٶپتەگەن زاڭبۇزۋشىلىق انىقتالعانىن مەلٸمدەدٸ, دەپ حابارلايدى Sputnik قازاقستان.
"ەل اراسىندا قىتايمەن شەكاراداعى كەدەندٸ نازارباەۆتار وتباسى مەن ونىڭ اينالاسى باقىلادى دەگەن سىبىس بار. سٸزدەردٸڭ تاراپىڭىزدان قانداي دا بٸر تەكسەرٸس جٷرگٸزٸلٸپ جاتىر ما?", - دەپ سۇرادى جۋرناليستەر مەجٸلٸس كۋلۋارىندا جاماۋباەۆتان.
"بىلتىر پرەزيدەنت كەدەن سالاسىندا تەرتٸپ ورناتۋدى تاپسىرعان بولاتىن. وسىعان بايلانىستى باس پروكۋراتۋرا, باسقا دا قۇقىق قورعاۋ ورگاندارىمەن بٸرلەسٸپ جٷرگٸزٸلگەن تەكسەرٸس بارىسىندا كٶپتەگەن زاڭبۇزۋشىلىق انىقتالدى. جۇمىس توبى قۇرىلدى. بارلىق انىقتالعان فاكتٸ قۇقىق قورعاۋ ورگاندارىنا تاپسىرىلدى. قازٸر تەرگەۋ جٷرٸپ جاتىر. بيۋدجەت زاڭبۇزعاندار تاراپىمەن دەر كەزٸندە تٶلەنبەگەن سومامەن تولىقتى", - دەدٸ مينيستر.
ول زاڭبۇزۋشىلاردان بىلتىر 50 ميلليارد تەڭگە ٶندٸرٸلگەنٸن اتاپ ٶتتٸ. الايدا جاماۋباەۆ قىتايمەن شەكاراداعى كەدەندە ناقتى كٸمنٸڭ زاڭ بۇزعانىن ايتۋدان باس تارتتى.
"ول جەردە زاڭ بۇزعان بٸرنەشە ەكونوميكالىق وپەراتور بولدى. ال تٷپكٸلٸكتٸ بەنەفيتسياردى جاڭا سٸز ٶزٸڭٸز اتادىڭىز عوي", - دەدٸ مينيستر.
ايتۋىنشا, 15 ەكونوميكالىق وپەراتوردىڭ ٷستٸنەن قىلمىستىق ٸس قوزعالعان. مينيستر تولىق اقپاراتتى قۇقىق قورعاۋ ورگاندارىنان سۇراۋدى ٶتٸندٸ.
