Kórneki foto: zhetysu.gov.kz
Premer-ministrdiń orynbasary – qarjy ministri Erulan Jamaýbaev Qytaimen shekaradaǵy kedende kóptegen zańbuzýshylyq anyqtalǵanyn málimdedi, dep habarlaidy Sputnik Qazaqstan.
"El arasynda Qytaimen shekaradaǵy kedendi Nazarbaevtar otbasy men onyń ainalasy baqylady degen sybys bar. Sizderdiń tarapyńyzdan qandai da bir tekseris júrgizilip jatyr ma?", - dep surady jýrnalister Májilis kýlýarynda Jamaýbaevtan.
"Byltyr Prezident keden salasynda tártip ornatýdy tapsyrǵan bolatyn. Osyǵan bailanysty Bas prokýratýra, basqa da quqyq qorǵaý organdarymen birlesip júrgizilgen tekseris barysynda kóptegen zańbuzýshylyq anyqtaldy. Jumys toby quryldy. Barlyq anyqtalǵan fakti quqyq qorǵaý organdaryna tapsyryldy. Qazir tergeý júrip jatyr. Biýdjet zańbuzǵandar tarapymen der kezinde tólenbegen somamen tolyqty", - dedi ministr.
Ol zańbuzýshylardan byltyr 50 milliard teńge óndirilgenin atap ótti. Alaida Jamaýbaev Qytaimen shekaradaǵy kedende naqty kimniń zań buzǵanyn aitýdan bas tartty.
"Ol jerde zań buzǵan birneshe ekonomikalyq operator boldy. Al túpkilikti benefitsiardy jańa siz ózińiz atadyńyz ǵoi", - dedi ministr.
Aitýynsha, 15 ekonomikalyq operatordyń ústinen qylmystyq is qozǵalǵan. Ministr tolyq aqparatty quqyq qorǵaý organdarynan suraýdy ótindi.
