قىتايدىڭ ەر قالاسىنان جينالعان جانكٷيەرلەر ديماشتىڭ بٷگٸنگٸ كونتسەرتٸنە نەون شامدارىمەن ديماشتىڭ ەسٸمٸ جازىلعان 6 مەترلٸك باننەر الىپ كەلدٸ.
ٶزدەرٸن «ديماشتىڭ قاناتى» دەپ تانىستىرعان جانكٷيەرلەر توبىنىڭ 50-گە تارتا مٷشەسٸ استاناعا 25 ماۋسىم كٷنٸ بەيجٸڭ قالاسىنان جينالىپ, «ەير استانا» ەۋە كومپانيياسىنىڭ بەيجٸڭ-استانا باعىتىنداعى اۆيارەيسٸ ارقىلى جەتكەن. توپتىڭ جەتەكشٸسٸنٸڭ ايتۋىنشا, توپ مٷشەلەرٸنٸڭ قولداۋىمەن ولار كونتسەرتكە قۇنى 60 مىڭ تەڭگە تۇراتىن ديماشتىڭ ەسٸمٸ جازىلعان 6 مەترلٸك جەنە كٸشكەنتاي باننەرلەر جاساتىپ الىپ كەلگەن. بۇدان سىرت, قىتايلىق جانكٷيەرلەر اتىنان ساۋعا رەتٸندە قازاقتىڭ دومبىراسى بەينەلەنگەن كٸلتكە تاققىشتار جەنە ارنايى جاسالعان «باستاۋ» شىعارماشىلىق كەشٸنٸڭ تٶسبەلگٸسٸن الا كەلگەن.
«مەن قىتايدىڭ حۋنان پروۆينتسيياسى چانشا قالاسىنان كەلدٸم. چانشا ديماشتىڭ ارمانىنىڭ باستالعان جەرٸ. بٷگٸن ديماشتىڭ تۋعان جەرٸندە بولىپ, ونىڭ شىعارماشىلىق كەشٸن كٶرۋ مەن ٷشٸن ٷلكەن قۋانىش», - دەدٸ توپ جەتەكشٸسٸ حان يۋۋانيۋۋان.
ايتا كەتەيٸك, «باستاۋ» كونتسەرتٸ ەكسپو-2017 حالىقارالىق كٶرمەسٸ اياسىندا 27 ماۋسىم كٷنٸ ەلورداداعى «استانا ارەنا» ستاديونىندا ٶتەدٸ. ديماش قۇدايبەرگەن كونتسەرتكە قاتىساتىن ەنشٸلەردٸ كٶپشٸلٸككە جارييالاعان بولاتىن. ولار - قىتايدىڭ بەلگٸلٸ ەنشٸسٸ تەرري لين, ەۆروبايقاۋ-2012 بايقاۋىنىڭ جەڭٸمپازى لورين (شۆەتسييا), ۇلىبريتانييا ەنشٸسٸ سوفي ەليس بەكستور, كريستينا ورباكايتە (رەسەي) جەنە قازاقستاننىڭ ەڭبەك سٸڭٸرگەن ەرتٸسٸ, وپەرا ەنشٸسٸ مايرا مۇحامەدقىزى.
