بٷگٸن بٸشكەكتە قازاقستاننىڭ قىرعىز رەسپۋبليكاسىنداعى مەدەنيەت كٷندەرٸ اياسىندا قازاق كينوسىنىڭ كٷندەرٸ باستالدى. ٸس-شاراعا قازاقستان رەسپۋبليكاسىنىڭ مەدەنيەت جەنە سپورت مينيسترٸ اقتوتى رايىمقۇلوۆا مەن قىرعىز رەسپۋبليكاسىنىڭ مەدەنيەت, اقپارات, سپورت جەنە جاستار ساياساتى مينيسترٸ قايرات يماناليەۆ پەن ەكٸ مەملەكەتتٸڭ كينوگەرلەرٸ قاتىستى, دەپ حابارلايدى "ۇلت اقپارات".
اقتوتى رايىمقۇلوۆا قازاقستان مەن قىرعىزستان اراسىنداعى قارىم-قاتىناستاردىڭ تامىرى تەرەڭدە ەكەنٸن, تەۋەلسٸزدٸك العان جىلدارى جاڭاشا قارقىنمەن دامىپ كەلە جاتقانىن, حالىقتار اراسىنداعى دەستٷرلٸ باۋىرلاستىق بايلانىستار بارلىق باعىتتا دەيەكتٸ تٷردە دامۋ ٷستٸندە ەكەنٸن ايتتى.
«قىرعىزستاننىڭ كٶپتەگەن تانىمال كينەماتوگرافيسٸنٸڭ شىعارماشىلىعى قازاقستانمەن, اتاپ ايتقاندا شەكەن ايمانوۆ اتىنداعى «قازاقفيلم» كينوستۋديياسىمەن تىعىز بايلانىستى ەكەنٸن بەرٸمٸز بٸلەمٸز. 1968 جىلى جاس رەجيسسەر بولوت شەمشيەۆ حالقىمىزدىڭ زاڭعار جازۋشىسى مۇحتار ەۋەزوۆتٸڭ «قاراش اسۋىنداعى اتىس» تۋىندىسى جەلٸسٸندە فيلم تٷسٸرٸپ, وسى بٸر كەرەمەت جۇمىسىمەن كٶرەرمەندەردٸڭ جوعارى باعاسىن الدى. سونىمەن قاتار بولوت شەمشيەۆ تٷسٸرگەن قازاق حالقىنىڭ قايسار قىزى, كەڭەس وداعىنىڭ باتىرى ەلييا مولداعۇلوۆانىڭ ەرلٸگٸن ارقاۋ ەتكەن «مەرگەندەر» فيلمٸ قازاق كينەماتوگرافىنىڭ التىن قورىنا قوسىلدى. بۇل كينو كٷنٸ بٷگٸنگە دەيٸن ەكراننان تٷسپەي, كٶرسەتٸلٸپ كەلەدٸ. ايتا بەرسەك, مۇنداي مىسالدار ٶتە كٶپ. قىرعىزستاندا قازاق كينوسىنىڭ كٷندەرٸن ۇيىمداستىرۋ بٸزدٸڭ ەلدەرٸمٸزدٸڭ اراسىنداعى كينويندۋسترييا سالاسىنداعى ٶزارا بايلانىستاردىڭ بٸرلەسٸپ ٶركەندەۋٸ مەن دامۋىنا سەرپٸن بەرەتٸنٸنە سەنٸمدٸمٸن», - دەدٸ.
ايتا كەتەيٸك, «ماناس» كيونوتەاترىندا باستالعان قازاق كينوسىنىڭ كٷندەرٸ 9 قازانعا دەيٸن جالعاسادى. كٶرەرمەندەر نازارىنا رٷستەم ەبدٸراشەۆتٸڭ «الماس قىلىش», اقان ساتاەۆتىڭ «توميريس», «جاۋ جٷرەك مىڭ بالا», «اناعا اپارار جول», «قازاق حاندىعى. التىن تاق» فيلمدەرٸ مەن تۇردىبەك مايدان مەن تٸلەك تٶلەۋعازىنىڭ «مۇزبالاق», اداي ەبٸلدينوۆتٸڭ «كٷلتەگٸن» انيماتسييالىق فيلمٸ ۇسىنىلادى.
