4 سەۋٸردە قىرعىزستان پرەزيدەنتٸ سادىر جاپاروۆ اۋعانستاننان كٶشٸپ كەلٸپ, وش وبلىسىنىڭ الاي اۋدانى تالدى-سۋۋ اۋىلىندا تۇرىپ جاتقان قىرعىزدارمەن كەزدەستٸ.
قىرعىزستان پرەزيدەنتٸ باسپاسٶز قىزمەتٸنٸڭ حابارلاۋىنشا تالدى-سۋۋدا ولارعا جەر تەلٸمٸ بٶلٸنگەن, وندا 17 وتباسىنا 11 ٷي سالىنعان. بۇعان قوسا, تاعى بٸر اۋداندا اۋعانستاننىڭ پامير تاۋلارىندا بٸرنەشە عاسىر تۇرىپ جاتقان "پامير قىرعىزدارىنا" ارناپ باسپانا سالىنادى.
"مەملەكەت باسشىسى پامير قىرعىزدارىنا تەزٸرەك ەلدٸ مەكەن اشۋ قاجەتتٸگٸن العا تارتتى. بٸلٸم جەنە ەلەۋمەتتٸك مەكەمەلەر جاعىن دا قاراستىرۋ كەرەكتٸگٸن اتاپ ٶتتٸ. پامير قىرعىزدارىمەن كەزدەسكەن سادىر جاپاروۆ اۋعانستانداعى قىرعىزداردى الداعى قىسقا دەيٸن كٶشٸرۋگە كٷش سالاتىنىن ايتتى. بۇعان مەملەكەتتٸڭ شاماسى جەتەدٸ" دەلٸنگەن قىرعىزستان پرەزيدەنتٸ باسپاسٶز قىزمەتٸنٸڭ حابارلاماسىندا.
دەگەنمەن اۋعانستاننان قانشا قىرعىز وتباسىنىڭ كٶشٸرٸلەتٸنٸ جەنە وعان بيۋدجەتتەن قانشا قاراجات قاراستىرىلعانى ايتىلمايدى.
تالدى-سۋۋدا پامير قىرعىزدارىنا ارناپ باسپانا سالىناتىنى 2020 جىلى مامىر ايىندا حابارلاندى. اۋعانستاننان قىرعىزداردىڭ العاشقى لەگٸ 2019 جىلدىڭ سوڭىندا كەلە باستاعان. ولار باسىندا مەكتەپ عيماراتتارىن پانالادى.
2017 جىلى نارىن وبلىسىنا 50 قىرعىز وتباسى كٶشٸپ كەلگەن. ازاماتتىق پەن باسپانا الا الماعان بٸر بٶلٸگٸنٸڭ اۋعانستانعا قايتىپ ورالعانى دا حابارلاندى.
