فوتو:egemen.kz
دەپۋتات ەربولات ساتىبالدين ارحيۆ ٸسٸنە قاتىستى بٸرقاتار مەسەلەنٸ كٶتەرٸپ, دابىل قاعىپ وتىر. ول ارحيۆ ماماندارىنىڭ مەرتەبەسٸ, ارحيۆتٸ تسيفرلاندىرۋ سيياقتى بٸرقاتار ٶزەكتٸ پروبلەمالار كٶتەردٸ, دەپ حابارلايدى Ult.kz.
"ارحيۆ ٸسٸ – ۇلتتىڭ جانىنىڭ التىن ساندىعى, ەلدٸڭ تاريحي جادى. قۇجاتتار شاڭ باسقان سٶرەلەردە جاتپاي, مەملەكەت پەن قوعامنىڭ يگٸلٸگٸنە اينالۋى كەرەك. ارحيۆ تەك ەسكٸنٸڭ كۋەسٸ ەمەس, ۇرپاقتىڭ مۇراسىنا جاۋاپتى, حالىقتىڭ كٷندەلٸكتٸ ٶمٸرٸن جەڭٸلدەتەتٸن ماڭىزدى قۇرىلىم. ٷكٸمەتٸ 2019 جىلى “ارحيۆ – 2025” بەس جىلدىق جوباسىن بەكٸتتٸ. بيىل اياقتالاتىن جوبا ۇلتتىق ارحيۆتٸك مۇرالاردى ساقتاۋ, تسيفرلاندىرۋ, عىلىمي-زەرتتەۋ جۇمىستارىن دامىتۋ جەنە حالىقارالىق ىنتىماقتاستىقتى باعىتىندا ەلەۋلٸ جەتٸستٸكتەرگە جەتتٸ. ياعني, ۇلتتىق قۇندىلىقتارعا يە قۇجاتتاردى, وقيعالاردى تٸزبەكتەۋ مەن جيناقتاۋعا بارىنشا كٶڭٸل بٶلٸندٸ. ەندٸگٸ كەزەك ارحيۆ عيماراتتارى مەن ماتەريالدىق جاي - كٷيٸن جەنە ارحيۆ قىزمەتكەرلەرٸنٸڭ جاعدايىن وڭالتۋعا كەلدٸ دەپ ويلايمىن", -دەگەن دەپۋتات تٶرت ٶزەكتٸ مەسەلەنٸ ايتىپ ٶتتٸ.
بٸرٸنشٸدەن, ارحيۆ ٸسٸنٸڭ مەرتەبەسٸ ەلٸ دە تٶمەن ەكەنٸن ايتقان ساتىبالدين ارحيۆتەر ەرتٷرلٸ ۆەدومستۆولارعا بٶلٸنٸپ, بٸرتۇتاس جٷيە رەتٸندە جۇمىس ٸستەي الماي وتىر دەيدٸ. ونىڭ سٶزٸنشە بٸر وبلىستا مەدەنيەت باسقارماسىنا, ەكٸنشٸسٸندە تسيفرلاندىرۋ باسقارماسىنا, ٷشٸنشٸسٸندە اقپاراتتاندىرۋ باسقارماسىنا باعىنىشتى. مۇنىڭ سالدارى – سالاعا دەگەن نەمقۇرايلىق پەن ماردىمسىز قارجىلاندىرۋ. قىزمەتكەرلەر جالاقىسىنىڭ ازدىعىنان ماماندار تاپشى, قىزمەت ساپاسى تٶمەن.
دەپۋتات كٶتەرگەن ەكٸنشٸ مەسەلە, مەنشٸك قۇقىعى ەرتٷرلٸ مەكەمەلەردەگٸ ۆەدومستۆولىق ارحيۆ جٷيەسٸ «ازاماتتارعا ارنالعان ٷكٸمەت» كورپوراتسيياسىمەن تولىق ينتەگراتسييالانباعانى.
"ازاماتتار جالاقىسى تۋرالى مەلٸمەتتەر, ەڭبەك ٶتٸلٸ سەكٸلدٸ قاراپايىم قۇجاتتاردى الۋ ٷشٸن اپتالاپ جٷرۋگە مەجبٷر. قۇجاتتاردىڭ دەر كەزٸندە ارحيۆكە ٶتكٸزٸلمەگەندٸگٸنەن ەڭبەك ٶتٸلٸ سيياقتى جەكە دەرەكتەرگە دەلەل تابا الماۋ – حالىق ٷشٸن قيىندىقتىڭ بٸرٸ. مەملەكەت ازاماتتارعا جەدەل ەرٸ ساپالى قىزمەت كٶرسەتۋگە مٸندەتتٸ, ال بۇل جاعداي سول قاعيداتتارعا قايشى", -دەيدٸ ول.
ەربولات ساتىبالديننٸڭ ويىنشا تسيفرلاندىرۋ مەسەلەسٸ دە سىن كٶتەرمەيدٸ. ارحيۆ قۇجاتتارىنىڭ كٶپ بٶلٸگٸ قاعاز فورماتىندا ساقتالادى, ال ولاردىڭ قاۋٸپسٸزدٸگٸ مەن قولجەتٸمدٸلٸگٸ كٷن ٶتكەن سايىن ناشارلاپ جاتىر.
"ۇلىتاۋ وبلىسىنداعى مەملەكەتتٸك ارحيۆتٸڭ جاعدايىن ٶز كٶزٸڭٸزبەن كٶرسەڭٸز, مەسەلەنٸڭ كٷردەلٸلٸگٸن تٷسٸنەر ەدٸڭٸز. جابدىقتار جوق, جاڭا عيماراتقا ورىن تاپشىلىعى بار. قۇجاتتار تيٸستٸ دەڭگەيدە تسيفرلانباسا, ەرتەڭگٸ كٷنٸ بۇل قۇجاتتار ۇرپاققا جەتپەي قالۋى مٷمكٸن", -دەپ الاڭداپ وتىر مەجٸلٸسمەن.
تٶرتٸنشٸ مەسەلە, ارحيۆ ماماندارىنىڭ مەرتەبەسٸ تٶمەن, جالاقىسى از, جۇمىسى اۋىر ەكەنٸن ايتقان دەپۋتات ماماندار جەتٸسپەۋشٸلٸگٸ سالانىڭ دامۋىنا كەرٸ ەسەر ەتٸپ وتىرعانىن ايتادى.
"ارحيۆ قىزمەتكەرلەرٸنٸڭ ەڭبەگٸ تيٸستٸ دەڭگەيدە باعالانباسا, بۇل سالادا كٸم جۇمىس ٸستەيدٸ? بۇل مەنٸڭ ايماقتارعا بارعاندا ەستٸگەن جان ايقاي, ارقالاپ كەلگەن امانات. مۇنداي جاعدايعا جول بەرۋگە بولمايدى. ارحيۆتەر – ٶتكەننٸڭ ٷنٸن ساقتاپ, بولاشاققا جول سٸلتەيدٸ. ەربٸر قۇجات – تاريحتىڭ تىنىسى, ەربٸر پاراق – ۋاقىتتىڭ كۋەسٸ. ارحيۆسٸز مەملەكەت بەينەسٸ كٶمەسكٸ, ال بولاشاعى بەلگٸسٸز. تاريحىمىزدى تٷگەندەپ, تامىرىمىزدى تانۋ – ارحيۆتەردەن باستالادى. ال, ونى دامىتۋ – ورتاق مٸندەتٸمٸز", -دەگەن ول باسقا ەلدەردٸڭ تەجٸريبەسٸن مىسالعا كەلتٸردٸ.
"كورەيا ارحيۆتەردٸ تسيفرلاندىرۋ بويىنشا كٶشباسشى. ۇلىبريتانييا ارحيۆتەرٸ تەۋەلسٸز اگەنتتٸك رەتٸندە جۇمىس ٸستەپ, قىزمەت كٶرسەتۋ ساپاسىن ارتتىردى. بٸز دە مۇنداي دەڭگەيگە جەتۋٸمٸز كەرەك", -دەدٸ ول.
دەپۋتات كەلەسٸ شارالاردى قولعا الۋدى ۇسىندى:
1. ارحيۆ جٷيەسٸن «ازاماتتارعا ارنالعان ٷكٸمەت» مەملەكەتتٸك كورپوراتسيياسىنا ينتەگراتسييالاپ, ە-ارحيۆ پلاتفورماسىنىڭ قىزمەت كٶرسەتۋ ساپاسىن جاقسارتۋ.
2. مەجٸلٸس قاراۋىندا جاتقان سالالىق زاڭعا, ارحيۆكە قۇجاتتاردى تاپسىرۋدى بارلىق جۇمىس بەرۋشٸلەر ٷشٸن, ناقتىراق ايتساق, تاراعان, بانكروت جاعدايىنداعى بارلىق جۇمىس بەرۋشٸلەرگە مٸندەتتەۋ, بۇل ەڭبەك ٶتٸلٸ سيياقتى مەلٸمەتتەردٸ ساقتاۋدى قامتاماسىز ەتەدٸ.
3. ارحيۆ جٷيەسٸن دەربەس اگەنتتٸك رەتٸندە قۇرۋ, ونىڭ مەرتەبەسٸن ارتتىرىپ, سالاداعى نەمقۇرايلىقتى جويۋ.
4. ەلٸمٸزدٸڭ باستى مۇراعاتى سانالاتىن «ۇلتتىق ارحيۆ» رەسپۋبليكالىق مەكەمەسٸنە «ۇلتتىق» دەگەن ەرەكشە ستاتۋس بەرۋ.
5. ارحيۆ قىزمەتكەرلەرٸنٸڭ جالاقىسىن كٶتەرٸپ, سالاعا كەسٸبي ماماندار تارتۋ.
