فوتو: er10.kz
وقۋ-اعارتۋ ۆيتسە-مينيسترٸ اراي ۋرازوۆا Facebook-تە «كٷندەلٸك» اۆتوماتتاندىرىلعان اقپاراتتىق جٷيەسٸنە (ااج) قاتىستى پٸكٸر جارييالادى, دەپ حابارلايدى Ult.kz.
ونىڭ ايتۋىنشا, EdTech سالاسىنداعى بارلىق بٸلٸم بەرۋ تەحنولوگييالارى مەن جٷيەلەرٸ, سونىڭ ٸشٸندە «كٷندەلٸك» ااج, قازاقستان رەسپۋبليكاسىنىڭ زاڭناماسىنا سەيكەس جۇمىس ٸستەيدٸ. الايدا بۇعان دەيٸن مينيسترلٸككە اتا-انالار قاۋىمداستىعىنان «كٷندەلٸك» جٷيەسٸندەگٸ جارنامالىق كونتەنتتٸڭ وقۋشىلاردىڭ جاس ەرەكشەلٸكتەرٸ مەن پسيحوەموتسيونالدىق جاعدايىنا سەيكەس كەلمەيتٸنٸ تۋرالى كٶپتەگەن شاعىمدار تٷسكەن.
سونىمەن قاتار «كٷندەلٸك» ااج تاراپىنان مٸندەتتەمەلەردٸڭ ورىندالماۋ فاكتٸلەرٸ تٸركەلگەن, بۇل مەسەلە بٸرنەشە رەت جٷيە ەزٸرلەۋشٸلەرٸمەن تالقىلاۋعا تٷسكەن.
«مەن دە جەكە ٶزٸم كەلٸسسٶزدەر جٷرگٸزٸپ, كٶرسەتٸلەتٸن قىزمەتتەردٸڭ ساپاسىن ارتتىرۋ قاجەتتٸگٸنە ەرەكشە نازار اۋداردىم», – دەپ اتاپ ٶتتٸ ۆيتسە-مينيستر.
ول «كٷندەلٸك» جٷيەسٸنە قاتىستى مينيسترلٸك مەملەكەتتٸك سەرۆەرلەردە حوستينگ ۇيىمداستىرۋ جەنە ينتەرنەت-رەسۋرستارعا قولجەتٸمدٸلٸكتٸ قامتاماسىز ەتۋ بويىنشا جۇمىستاردى جالعاستىرىپ جاتقانىن ايتتى. بۇل ەلدٸڭ بارلىق اۋماعىندا بٸلٸم بەرۋ قىزمەتتەرٸنە تەڭ قولجەتٸمدٸلٸكتٸ قامتاماسىز ەتەدٸ.
ۋرازوۆا بارلىق اقپاراتتىق جٷيەلەردەگٸ ٶزگەرٸستەر مەن جاڭالىقتار زاڭناما تالاپتارىنا قاتاڭ سەيكەستٸكتە جەنە بٸلٸم بەرۋ پروتسەسٸنە قاتىسۋشىلاردىڭ مٷددەلەرٸن ەسكەرە وتىرىپ جٷزەگە اسىرىلاتىنىن اتاپ ٶتتٸ.
سونىمەن بٸرگە, ول «بٸلٸم تۋرالى» قازاقستان رەسپۋبليكاسىنىڭ زاڭىنا سەيكەس, جەرگٸلٸكتٸ اتقارۋشى ورگانداردىڭ قاراماعىنداعى مەكتەپتەر EdTech سالاسىنداعى بٸلٸم بەرۋ تەحنولوگييالارى مەن جٷيەلەرٸن ٶز بەتٸنشە تاڭداۋعا قۇقىلى ەكەنٸن ايتتى.
«بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ (بقدا) حابارلاماسىنا بايلانىستى, مينيسترلٸك بارلىق قاجەتتٸ مٸندەتتەمەلەردٸ ۋاقتىلى ورىنداپ, تولىق كٶلەمدە تٷسٸندٸردٸ. قازٸرگٸ ۋاقىتتا جاعداي رەتتەلدٸ. مينيسترلٸك ٶز تاراپىنان وقۋشىلار, پەداگوگتار جەنە اتا-انالار مٷددەسٸ ٷشٸن بٸلٸم بەرۋ ۇيىمدارىن ساپالى ەرٸ قاۋٸپسٸز تسيفرلىق قۇرالدارمەن قامتاماسىز ەتۋ بويىنشا جۇمىستى جالعاستىرادى», – دەپ قورىتىندىلادى ۆيتسە-مينيستر.
