Foto: er10.kz
Oqý-aǵartý vitse-ministri Arai Ýrazova Facebook-te «Kúndelik» avtomattandyrylǵan aqparattyq júiesine (AAJ) qatysty pikir jariialady, dep habarlaidy Ult.kz.
Onyń aitýynsha, EdTech salasyndaǵy barlyq bilim berý tehnologiialary men júieleri, sonyń ishinde «Kúndelik» AAJ, Qazaqstan Respýblikasynyń zańnamasyna sáikes jumys isteidi. Alaida buǵan deiin ministrlikke ata-analar qaýymdastyǵynan «Kúndelik» júiesindegi jarnamalyq kontenttiń oqýshylardyń jas erekshelikteri men psihoemotsionaldyq jaǵdaiyna sáikes kelmeitini týraly kóptegen shaǵymdar túsken.
Sonymen qatar «Kúndelik» AAJ tarapynan mindettemelerdiń oryndalmaý faktileri tirkelgen, bul másele birneshe ret júie ázirleýshilerimen talqylaýǵa túsken.
«Men de jeke ózim kelissózder júrgizip, kórsetiletin qyzmetterdiń sapasyn arttyrý qajettigine erekshe nazar aýdardym», – dep atap ótti vitse-ministr.
Ol «Kúndelik» júiesine qatysty ministrlik memlekettik serverlerde hosting uiymdastyrý jáne internet-resýrstarǵa qoljetimdilikti qamtamasyz etý boiynsha jumystardy jalǵastyryp jatqanyn aitty. Bul eldiń barlyq aýmaǵynda bilim berý qyzmetterine teń qoljetimdilikti qamtamasyz etedi.
Ýrazova barlyq aqparattyq júielerdegi ózgerister men jańalyqtar zańnama talaptaryna qatań sáikestikte jáne bilim berý protsesine qatysýshylardyń múddelerin eskere otyryp júzege asyrylatynyn atap ótti.
Sonymen birge, ol «Bilim týraly» Qazaqstan Respýblikasynyń Zańyna sáikes, jergilikti atqarýshy organdardyń qaramaǵyndaǵy mektepter EdTech salasyndaǵy bilim berý tehnologiialary men júielerin óz betinshe tańdaýǵa quqyly ekenin aitty.
«Básekelestikti qorǵaý jáne damytý agenttiginiń (BQDA) habarlamasyna bailanysty, ministrlik barlyq qajetti mindettemelerdi ýaqtyly oryndap, tolyq kólemde túsindirdi. Qazirgi ýaqytta jaǵdai retteldi. Ministrlik óz tarapynan oqýshylar, pedagogtar jáne ata-analar múddesi úshin bilim berý uiymdaryn sapaly ári qaýipsiz tsifrlyq quraldarmen qamtamasyz etý boiynsha jumysty jalǵastyrady», – dep qorytyndylady vitse-ministr.
