فوتو: تجم
تٶتەنشە جاعدايلار مينيسترلٸگٸ ٶكٸلٸ اسقار شەرٸپ سۋ تاسقىنىنا بايلانىستى قازٸرگٸ احۋالدى باياندادى دەپ حابارلايدى "ۇلت اقپارات".
"اتىراۋ وبلىسىنداعى 41 ەلدٸ مەكەن بويىندا قورعانىس قۇرىلىستارى سالىندى. سۋ تاسقىنى كەزەڭٸندە ٶڭٸردە 500-دەن استام كم. قورعانىس قۇرىلىستارى سالىندى. بٷگٸندە وبلىستا تجم ەسكەري بٶلٸمدەرٸنٸڭ ەسكەري قىزمەتشٸلەرٸن قوسا العاندا, 10 ٶڭٸردەن كەلگەن قۇتقارۋشىلار توبى بار. تجم قىزمەتكەرلەرٸ جايىق ٶزەنٸندەگٸ سۋ دەڭگەيٸنە ساعات سايىن مونيتورينگ جٷرگٸزەدٸ. سۋ باسقان ايماقتاردان سۋ سورۋ جۇمىستارى تەۋلٸك بويى جالعاسۋدا. قۇلسارى قالاسىندا 2 564 تۇرعىن ٷيدەن سۋ بۇرىلدى. ازاماتتىق قورعاۋ قىزمەتتەرٸمەن, ۆولونتەرلەرمەن جەنە تارتىلعان ۇيىمدارمەن اتىراۋ, اقتٶبە, باتىس قازاقستان, سولتٷستٸك قازاقستان وبلىستارىندا سۋ تاسقىنىنا قارسى ٸس-شارالار, سۋ تاسقىنى سالدارىن جويۋ جەنە حالىققا كٶمەك كٶرسەتۋ بويىنشا جۇمىستار جالعاسۋدا", -دەدٸ ا. شەرٸپ.
رەسپۋبليكا بويىنشا 7 089 جەكە تۇرعىن ٷي مەن 2 834 اۋلا اۋماعىنان سۋدىڭ باعىتى بۇرىلىپ, سۋ سورىلدى, 39 352 ادام ٶز ٷيلەرٸنە ورالدى. 6 552 ادام ەۆاكۋاتسييالاۋ پۋنكتتەرٸندە.
سۋ تاسقىنى باستاعالى بەرٸ 13,1 ملن استام تەكشە مەتر ەرٸگەن قار سۋى سورىپ شىعارىلدى, 7,6 ملن استام قاپشىق جەنە 1,5 ملن استام توننا ينەرتتٸ ماتەريال تٶسەلدٸ. اپاتتىق-قۇتقارۋ جەنە سۋ تاسقىنىنا قارسى جۇمىستارعا 17 مىڭنان استام ادام, 2 مىڭعا جۋىق تەحنيكا, 291 سۋ سورۋ قۇرالى جەنە 203 جٷزۋ قۇرالى, 7 ەۋە كەمەسٸ جۇمىلدىرىلدى.
ٶرت قاۋٸپتٸ كەزەڭنٸڭ باستالۋىنا بايلانىستى تجم ازاماتتاردى تابيعاتقا شىققاندا ٶرت قاۋٸپسٸزدٸگٸ تالاپتارىن ساقتاۋعا كەڭەس بەرەدٸ.
