Foto: TJM
Tótenshe Jaǵdailar Ministrligi ókili Asqar Shárip Sý tasqynyna bailanysty qazirgi ahýaldy baiandady dep habarlaidy "Ult Aqparat".
"Atyraý oblysyndaǵy 41 eldi meken boiynda qorǵanys qurylystary salyndy. Sý tasqyny kezeńinde óńirde 500-den astam km. qorǵanys qurylystary salyndy. Búginde oblysta TJM áskeri bólimderiniń áskeri qyzmetshilerin qosa alǵanda, 10 óńirden kelgen qutqarýshylar toby bar. TJM qyzmetkerleri Jaiyq ózenindegi sý deńgeiine saǵat saiyn monitoring júrgizedi. Sý basqan aimaqtardan sý sorý jumystary táýlik boiy jalǵasýda. Qulsary qalasynda 2 564 turǵyn úiden sý buryldy. Azamattyq qorǵaý qyzmetterimen, volonterlermen jáne tartylǵan uiymdarmen Atyraý, Aqtóbe, Batys Qazaqstan, Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joiý jáne halyqqa kómek kórsetý boiynsha jumystar jalǵasýda", -dedi A. Shárip.
Respýblika boiynsha 7 089 jeke turǵyn úi men 2 834 aýla aýmaǵynan sýdyń baǵyty burylyp, sý soryldy, 39 352 adam óz úilerine oraldy. 6 552 adam evakýatsiialaý pýnktterinde.
Sý tasqyny bastaǵaly beri 13,1 mln astam tekshe metr erigen qar sýy soryp shyǵaryldy, 7,6 mln astam qapshyq jáne 1,5 mln astam tonna inertti material tóseldi. Apattyq-qutqarý jáne sý tasqynyna qarsy jumystarǵa 17 myńnan astam adam, 2 myńǵa jýyq tehnika, 291 sý sorý quraly jáne 203 júzý quraly, 7 áýe kemesi jumyldyryldy.
Órt qaýipti kezeńniń bastalýyna bailanysty TJM azamattardy tabiǵatqa shyqqanda órt qaýipsizdigi talaptaryn saqtaýǵa keńes beredi.
