فوتو: orda.kz
قانداس دەگەنٸمٸز كٸمدەر - حالىقارالىق تٸلدە رەپاتريانت, ياعني ٶزٸنٸڭ اتا - باباسىنىڭ جەرٸنە, تاريحي وتانىنا ورالۋشى دەگەن قۇقىقتىق ساناتتى بٸلدٸرەتٸن سٶز. ەلٸمٸز تەۋەلسٸزدٸگٸن العاننان بەرٸ, كەلٸپ جاتقان قانداستارىمىز, وسىنداعى ساناسىندا جارتىلاي بولسا دا (ەسٸرەسە, سولتٷستٸك وبلىستار) قۇلدىق تابى بار جەرگٸلٸكتٸ قازاقتارعا بايىرعى قازاقتىڭ سالت - دەستٷرٸن, ەدەپ - عۇرپىن, كٶنە قازاق مەدەنيەتٸن ەكەلۋدە دەسەك, قاتە ايتپاعانىمىز.بٸر سٶزبەن ايتقاندا, قانداس دەگەن ۇعىم, ەل تەۋەلسٸزدٸگٸنٸڭ ارقاسىندا, قوعامدا پايدا بولعان جاڭا قازاق رەسۋرسى, ادام كاپيتالى, اتامەكەنٸندە وتىرعان حالقىمىزدى جەنە ونىڭ ساناسىن وتارسىزداندىرۋعا قارسى كەرەمەتتەي قۇرال, - دەپ ايتۋعا ەبدەن بولادى. كەزٸندەگٸ, ەكس پرەزيدەنتتٸڭ جٷيەلٸ ساياساتىنىڭ ارقاسىندا, ەلگە بٸر ميلليوننان استام قانداستارىمىز ورالدى. «ەلگە ەل قوسىلسا, قۇت» دەگەن وسى. قازٸر, ەلٸمٸزدٸڭ ابىرويىن كٶتەرەتٸن, كٷش - قۋاتىن ارتتىراتىن, كەزٸندەگٸ مۇنداي عالامات جۇمىستاردىڭ بٸرٸ دە جوق. ٶكٸنٸشتٸ – اق!
قانداس - قازاق تٸلٸن تۇتىنۋشى, قازاقى دەستٷردەگٸ كەسٸپ – نەسٸپتٸ جاڭعىرتۋشى, دەمەك ول رەسپۋبليكاداعى ورىستانعان قوعامدى قازاقتاندىرۋشى, سونى كٷش دەۋگە بولادى. اتا قازاقتىڭ «ەنشٸسٸ بٶلٸنبەگەن ەلمٸز», «تىرناقتى ەتٸنەن ايىرۋعا بولمايدى», دەگەن سٶزدەرٸندە تەرەڭ ۇعىم جاتىر. سولاي عوي!
ۇلى كٶش - قازاقستان ەگەمەندٸگٸن الىسىمەن, 1991 جىلى ناۋرىزدا موڭعولييا قازاقتارىنان باستالدى. شەكارا سىزىعىنان بەرٸ اتتاپ ٶتكەن اعايىندار , سول كەزدەگٸ ەكونوميكالىق داعدارىستى دا, قيىنشىلىقتى دا, تاپشىلىقتى دا كٶرگەن بولاتىن. مٸنە, سول سەبەپتى وسى كٷندەرٸ قانداس دەگەن ۇعىم - ناعىز پاتريوت , وتانشىل, قازاقى سالت - دەستٷردٸ جاڭعىرتۋشى, انا تٸلدٸڭ جاناشىرى - دەگەن كەڭ ايادا قوعامدىق سانا قالىپتاستى. قانداس اعايىنداردى قولداۋ - باۋىرمالدىق پەن مەيٸرباندىلىقتىڭ, كٸسٸلٸكتٸڭ, قازاقى دارحاندىق پەن نامىسىمىزدى قولداۋ دەپ تٷسٸنەيٸك. قانداستاردى ەلگە قايتارۋ - تەۋەلسٸزدٸك بەرگەن ولجانىڭ ەڭ ٷلكەنٸ دەپ ايتۋعا بولادى!
