Foto: orda.kz
Qandas degenimiz kimder - halyqaralyq tilde repatriant, iaǵni óziniń ata - babasynyń jerine, tarihi otanyna oralýshy degen quqyqtyq sanatty bildiretin sóz. Elimiz táýelsizdigin alǵannan beri, kelip jatqan qandastarymyz, osyndaǵy sanasynda jartylai bolsa da (ásirese, soltústik oblystar) quldyq taby bar jergilikti qazaqtarǵa baiyrǵy qazaqtyń salt - dástúrin, ádep - ǵurpyn, kóne qazaq mádenietin ákelýde desek, qate aitpaǵanymyz.Bir sózben aitqanda, qandas degen uǵym, el táýelsizdiginiń arqasynda, qoǵamda paida bolǵan jańa qazaq resýrsy, adam kapitaly, atamekeninde otyrǵan halqymyzdy jáne onyń sanasyn otarsyzdandyrýǵa qarsy keremettei qural, - dep aitýǵa ábden bolady. Kezindegi, eks prezidenttiń júieli saiasatynyń arqasynda, elge bir millionnan astam qandastarymyz oraldy. «Elge el qosylsa, qut» degen osy. Qazir, elimizdiń abyroiyn kóteretin, kúsh - qýatyn arttyratyn, kezindegi mundai ǵalamat jumystardyń biri de joq. Ókinishti – aq!
Qandas - qazaq tilin tutynýshy, qazaqy dástúrdegi kásip – násipti jańǵyrtýshy, demek ol respýblikadaǵy orystanǵan qoǵamdy qazaqtandyrýshy, sony kúsh deýge bolady. Ata qazaqtyń «Enshisi bólinbegen elmiz», «Tyrnaqty etinen aiyrýǵa bolmaidy», degen sózderinde tereń uǵym jatyr. Solai ǵoi!
Uly kósh - Qazaqstan egemendigin alysymen, 1991 jyly naýryzda Mońǵoliia qazaqtarynan bastaldy. Shekara syzyǵynan beri attap ótken aǵaiyndar , sol kezdegi ekonomikalyq daǵdarysty da, qiynshylyqty da, tapshylyqty da kórgen bolatyn. Mine, sol sebepty osy kúnderi qandas degen uǵym - naǵyz patriot , otanshyl, qazaqy salt - dástúrdi jańǵyrtýshy, ana tildiń janashyry - degen keń aiada qoǵamdyq sana qalyptasty. Qandas aǵaiyndardy qoldaý - baýyrmaldyq pen meiirbandylyqtyń, kisiliktiń, qazaqy darhandyq pen namysymyzdy qoldaý dep túsineiik. Qandastardy elge qaitarý - táýelsizdik bergen oljanyń eń úlkeni dep aitýǵa bolady!
