كٶكشەتاۋدا 52 جاستاعى ەيەلدٸڭ قازا تابۋىنا ەكەلگەن جول-كٶلٸك وقيعاسىنا بايلانىستى ەكٸ بٸردەي قىلمىستىق ٸس قوزعالدى. قايعىلى جاعدايعا قاتىسى بار جٷرگٸزۋشٸ دە, كٶلٸك يەسٸ دە زاڭ الدىندا جاۋاپ بەرەدٸ, دەپ حابارلايدى Ult.kz.
پوليتسييانىڭ مەلٸمەتٸنشە, وقيعا كەزٸندە كٶلٸك تٸزگٸنٸندە وتىرعان ەيەلدٸڭ جٷرگٸزۋشٸ كۋەلٸگٸ بولماعان. تٸپتٸ ول ارنايى جٷرگٸزۋشٸ كۋرستارىنان دا ٶتپەگەنٸ انىقتالدى.
سونىمەن قاتار, تەرگەۋ بارىسىندا كٶلٸك يەسٸ — كٷدٸكتٸنٸڭ كٷيەۋٸ — باسقارۋ قۇقىعى جوق ادامعا رٶلدٸ سەنٸپ تاپسىرعانى بەلگٸلٸ بولدى. بۇل ەرەكەتٸ ٷشٸن وعان دا قىلمىستىق جاۋاپكەرشٸلٸك قاراستىرىلىپ وتىر.
سوت شەشٸمٸمەن كٷدٸكتٸ ەيەلگە قاتىستى ٷيقاماق تٷرٸندەگٸ بۇلتارتپاۋ شاراسى تاڭدالدى.
ەسكە سالا كەتەيٸك, وقيعا 9 مامىر كٷنٸ كٶكشەتاۋداعى سارىارقا شاعىناۋدانىنداعى كٶپقاباتتى ٷي اۋلاسىندا بولعان. كٶلٸك تروتۋار ماڭىندا تۇرعان ەيەلدٸ قاعىپ, كەيٸن قايتا باسىپ ٶتكەن. وقيعانىڭ بەينەجازباسى ەلەۋمەتتٸك جەلٸلەردە تاراپ, قوعامدا ٷلكەن رەزونانس تۋدىردى.
كۋەگەرلەر اۋلا ٸشٸندەگٸ جولداردىڭ تار ەكەنٸن ايتىپ, قاۋٸپسٸزدٸك شارالارىن كٷشەيتۋدٸ تالاپ ەتۋدە.
ايتا كەتەيٸك, قازاقستاندا جٷرگٸزۋشٸ كۋەلٸگٸنسٸز كٶلٸك باسقارعانى ٷشٸن ايىپپۇل مٶلشەرٸ 15-تەن 100 ايلىق ەسەپتٸك كٶرسەتكٸشكە دەيٸن جەتەدٸ. بۇدان بٶلەك, كٶلٸك ايىپتۇراققا قويىلىپ, قوسىمشا شىعىندار تۋىندايدى. قايتالانعان جاعدايدا جازا كٷشەيٸپ, ەكٸمشٸلٸك قاماۋ نەمەسە جٷرگٸزۋشٸ كۋەلٸگٸنەن ايىرۋ دا قاراستىرىلعان.
