«جولاۋشىلار تاسىمالى» اق № 7/8 «الماتى-مەسكەۋ» باعىتىندا قاتىنايتىن پويىزدىڭ جولى ساراتوۆ ستانتسيياسىنا دەيٸن قىسقارعانى تۋرالى حابارلاما تاراتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«2013 جىلدان بەرٸ № 7/8 «الماتى-مەسكەۋ» باعىتىنداعى پويىز جولاۋشىلارى سانىنىڭ ازايۋى بايقالىپ كەلەدٸ. كٶرسەتٸلگەن كەزەڭدە وسى باعىتتاعى جولاۋشىلار سانى 2 ەسەگە تٶمەندەگەن. الماتى مەن مەسكەۋ ارالىعىندا قاتىنايتىن تٸكەلەي حالىقارالىق باعىتتاعى پويىزعا ادامداردىڭ وتىرۋى 40%-عا جەتپەيدٸ, سوندىقتان تيٸمسٸز بولىپ تۇر. الايدا, جولاۋشىلاردىڭ مٷددەسٸن ەسەپكە الىپ, «رەسەي تەمٸر جولى» اقق-مەن («رتج» اقق) بٸرلەسە وتىرىپ, پويىزدى توقتاتۋدىڭ ورنىنا مارشرۋتتى ساراتوۆ ستانتسيياسىنا دەيٸن قىسقارتۋ تۋرالى شەشٸم قابىلداندى», - دەلٸنگەن حابارلامادا.
پويىزدىڭ كەستەسٸ جولاۋشىلاردىڭ ساراتوۆ ستانتسيياسىنان № 17/18 «ساراتوۆ-مەسكەۋ» پويىزىنا وتىراتىن ۋاقىتى ەسكەرٸلە وتىرىپ جاسالدى.
