قازاقستان ۇلتتىق بانكٸ تٶراعاسىنىڭ ورىنباسارى ولەگ سمولياكوۆ «قازاقستان حالىق بانكٸ» اق-تىڭ «كازكوممەرتسبانك» اق-تىڭ اكتسييالار پاكەتٸن ساتىپ الۋى بويىنشا ەلەۋەتتٸ مەمٸلەسٸنە تٷسٸنٸكتەمە بەردٸ, دەپ حابارلايدى قر ۇب باسپاسٶز قىزمەتٸ.
بٸرٸنشٸ كەزەكتە و. سمولياكوۆ «زاڭنامانىڭ تالاپتارىنا سەيكەس ەلەۋەتتٸ مەمٸلەنٸ ٸسكە اسىرۋ بانكتەردٸڭ دەپوزيتورلارىنىڭ, كرەديتورلارىنىڭ, ٶزگە دە كليەنتتەرٸنٸڭ جەنە قارسى اگەنتتەرٸنٸڭ حالىقارالىق مٸندەتتەمەلەردٸ قوسا العاندا, شارتتار بويىنشا قۇقىقتار مەن زاڭدى مٷددەلەرٸن ساقتاعان جاعدايدا عانا مٷمكٸن بولادى» دەپ اتاپ ٶتتٸ.
«حالىق بانكٸنٸڭ «كازكوممەرتسبانك» اق-تىڭ اكتسييالارىن ساتىپ الۋ بويىنشا ەلەۋەتتٸ مەمٸلەنٸ ٸسكە اسىرۋ ٷشٸن ۇلتتىق بانكتٸڭ جەنە حالىق بانكٸنٸڭ تاراپىنان «كازكوممەرتسبانك» اق اكتيۆتەرٸنٸڭ ساپاسىنا بٸرلەسكەن تەۋەلسٸز تەكسەرۋ جٷرگٸزۋ قاجەت. ەلەۋەتتٸ مەمٸلەنٸڭ ساندىق ٶلشەمدەرٸ الىنعان اقپاراتتى جارييا اشۋ ارقىلى تەۋەلسٸز تەكسەرۋ نەتيجەلەرٸن العاننان كەيٸن ايقىندالاتىن بولادى», - دەدٸ و. سمولياكوۆ. ول سونداي-اق «كازكوممەرتسبانك» اق-تىڭ ٷزدٸكسٸز قىزمەتٸن قامتاماسىز ەتۋ ٷشٸن جەتكٸلٸكتٸ دەڭگەيگە دەيٸن «كازكوممەرتسبانك» اق-تى قوسىمشا كاپيتالداندىرۋ حالىق بانكٸنٸڭ «كازكوممەرتسبانك» اق-تىڭ كاپيتالىنا ىقتيمال كٸرۋٸنە بازالىق تالاپ بولىپ تابىلاتىنىن», - اتاپ ٶتتٸ.
و. سمولياكوۆ «كازكوممەرتسبانك» اق-تىڭ كرەديتتٸك پورتفەلٸنٸڭ ايتارلىقتاي ٷلەسٸ (50%-دان استام) «بتا بانك» اق-تىڭ مٸندەتتەمەلەرٸن بٸلدٸرەتٸنٸنە باسا نازار اۋداردى. بۇل رەتتە «بتا بانكتٸڭ» اكتيۆتەرٸ قۇندى قالپىنا كەلتٸرۋدٸڭ ۇزاق ارالىعىنا يە اكتيۆتەرگە جاتادى. سونىڭ سالدارىنان, ولاردى «كازكوممەرتسبانك» اق-تىڭ ۇستاپ تۇرۋى ٷشٸن قارجى اعىندارىنىڭ جەتكٸلٸكتٸ دەڭگەيٸن قالىپتاستىرمايدى. سوندىقتان «كازكوممەرتسبانك» اق-تىڭ قارجىلىق ورنىقتىلىعىن قامتاماسىز ەتۋ ٷشٸن, و. سمولياكوۆتىڭ ايتۋىنشا, بٸرٸنشٸ كەزەڭدە بتا بانكتٸڭ اكتيۆتەرٸن «كازكوممەرتسبانك» اق-تان وقشاۋلاۋ قاجەت. بۇل كەزەڭدە «پروبلەمالىق كرەديتتەر قورى» وپەراتور بولىپ تابىلادى. ودان ەرٸ بۇل اكتيۆتەردٸ مەملەكەتتٸك-جەكە ەرٸپتەستٸك جوبالارىنىڭ, ونىڭ ٸشٸندە ٶڭٸرلٸك دامۋ باعدارلامالارىنىڭ شەڭبەرٸندە ەكونوميكالىق اينالىمعا تارتۋدى قامتاماسىز ەتۋ قاجەت.
ەسكە سالا كەتسەك, بۇعان دەيٸن ۇلتتىق بانكتٸڭ قر ٷكٸمەتٸ, قر ۇلتتىق بانكٸ, «سامۇرىق-قازىنا» ۇەق» اق, «پروبلەمالىق كرەديتتەر قورى» اق, «كازكوممەرتسبانك» اق (ككب) جەنە ونىڭ ٸرٸ اكتسيونەرلەرٸ, «قازاقستان حالىق بانكٸ» اق (حالىق بانكٸ) جەنە «بتا بانك» اق (بتا بانك) اراسىنداعى «كازكوممەرتسبانك» اق اكتسييالار پاكەتٸن ساتىپ الۋ بويىنشا ەلەۋەتتٸ مەمٸلە تۋرالى ٶزارا تٷسٸنٸستٸك تۋرالى مەموراندۋمعا قول قويىلعاندىعى تۋرالى حابارلاعان.
«كازكوممەرتسبانك» اق اۋقىمدى فيليال جەلٸسٸ, زاڭدى جەنە جەكە تۇلعالاردىڭ ٷلكەن كليەنتتٸك بازاسى, ايتارلىقتاي دەپوزيتتٸك بازاسى جەنە تٶلەم جەنە بانكارالىق نارىقتاردا ەدەۋٸر ٷلەسٸ بار قازاقستان رەسپۋبليكاسىنىڭ اسا ٸرٸ جٷيە قۇراۋشى بانكٸ بولىپ تابىلادى.
ايتا كەتەرلٸگٸ, «پروبلەمالىق كرەديتتەر قورى» اكتسيونەرلٸك قوعامى قازاقستان رەسپۋبليكاسى ٷكٸمەتٸنٸڭ مەنشٸگٸنە بەرٸلگەن. قور قىزمەتٸنٸڭ نەگٸزگٸ ماقساتى - ۋەكٸلەتتٸ ورگاننىڭ نورماتيۆتٸك قۇقىقتىق اكتٸلەرٸنٸڭ تالاپتارىنا سەيكەس ەكٸنشٸ دەڭگەيدەگٸ بانكتەردٸڭ كرەديتتٸك پورتفەلدەرٸنٸڭ ساپاسىن جاقسارتۋعا باعىتتالعان شارالاردى ٸسكە اسىرۋ بولىپ تابىلادى. «پروبلەمالىق كرەديتتەر قورى» اق قىزمەتٸنٸڭ نەگٸزگٸ تٷرلەرٸ ەكٸنشٸ دەڭگەيدەگٸ بانكتەردٸڭ پروبلەمالىق كرەديتتەرٸن ساتىپ الۋ; ەكٸنشٸ دەڭگەيدەگٸ بانكتەردٸڭ ساتىپ الىنعان اكتيۆتەرٸن باسقارۋ; ٶز قىزمەتٸن قارجىلاندىرۋ ٷشٸن بورىشتىق باعالى قاعازداردى شىعارۋ بولىپ تابىلادى.
