قوستاناي وبلىسىندا كٶبٸك كەشٸ كەزٸندە توك سوعىپ, زارداپ شەككەن قىز قايتىس بولدى, - دەپ حابارلايدى Massaget.kz پورتالى.
25 تامىزدا ۇزىنكٶل اۋىلىندا جاستار كٷنٸنە ارنالعان ٸس-شارادا 9 جاستاعى قىز توكقا سوعىلعان ەدٸ. مەكتەپ وقۋشىسى بٷگٸن تاڭەرتەڭ قايتىس بولدى.
بۇل اقپاراتتى وبلىستىق بالالار اۋرۋحاناسىنىڭ باس دەرٸگەرٸ نۇرلان ەرجانوۆ راستادى. وقيعادان كەيٸن قىز وسى كلينيكاعا جەتكٸزٸلگەن ەدٸ.
ەسكە سالايىق, بۇعان دەيٸن الاڭدا توك سوققان 9 جاستاعى قىزدىڭ جاعدايىن بٸلۋگە استانادان ماماندار باراتىنى حابارلانعان بولاتىن.
وقيعا 27 تامىزدا قوستاناي وبلىسىندا بولعان. دەرەككە قاتىستى قوستاناي وبلىستىق پوليتسييا دەپارتامەنتٸ ٶكٸلدەرٸ پٸكٸر بٸلدٸردٸ.
"پوليتسييا بۇل دەرەك بويىنشا سوتالدى تەرگەۋدٸ باستادى. 25 تامىزدا ۇزىنكٶل اۋىلىندا 9 جاستاعى قىزدى توك سوققان. وقيعا ورنىندا جەدەل مەديتسينالىق كٶمەك كٶرسەتٸلدٸ. كەمەلەت جاسقا تولماعان قىز اۋداندىق اۋرۋحاناعا جەتكٸزٸلدٸ", - دەلٸنگەن پوليتسييا دەپارتامەنتٸنٸڭ جاۋابىندا.
سوتالدى تەرگەۋ قىلمىستىق كودەكستٸڭ 306-بابى 2-تارماعى (قاۋiپسiزدiك تالاپتارىنا ساي كەلمەيتٸن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەر كٶرسەتۋ) بويىنشا جٷرگٸزٸلٸپ جاتىر.
