Qostanai oblysynda kóbik keshi kezinde tok soǵyp, zardap shekken qyz qaitys boldy, - dep habarlaidy Massaget.kz portaly.
25 tamyzda Uzynkól aýylynda jastar kúnine arnalǵan is-sharada 9 jastaǵy qyz tokqa soǵylǵan edi. Mektep oqýshysy búgin tańerteń qaitys boldy.
Bul aqparatty oblystyq balalar aýrýhanasynyń bas dárigeri Nurlan Erjanov rastady. Oqiǵadan keiin qyz osy klinikaǵa jetkizilgen edi.
Eske salaiyq, buǵan deiin alańda tok soqqan 9 jastaǵy qyzdyń jaǵdaiyn bilýge Astanadan mamandar baratyny habarlanǵan bolatyn.
Oqiǵa 27 tamyzda Qostanai oblysynda bolǵan. Derekke qatysty Qostanai oblystyq Politsiia departamenti ókilderi pikir bildirdi.
"Politsiia bul derek boiynsha sotaldy tergeýdi bastady. 25 tamyzda Uzynkól aýylynda 9 jastaǵy qyzdy tok soqqan. Oqiǵa ornynda jedel meditsinalyq kómek kórsetildi. Kámelet jasqa tolmaǵan qyz aýdandyq aýrýhanaǵa jetkizildi", - delingen Politsiia departamentiniń jaýabynda.
Sotaldy tergeý Qylmystyq kodekstiń 306-baby 2-tarmaǵy (Qaýipsizdik talaptaryna sai kelmeitin taýarlardy shyǵarý nemese satý, jumystardy oryndaý ne qyzmetter kórsetý) boiynsha júrgizilip jatyr.
