قوستاناي وبلىسىنىڭ مەكتەپتەرٸندە اتا-انالاردىڭ كەلٸسٸمٸمەن وقۋشىلار ٷشٸن قوسىمشا ساباقتار ٶتكٸزٸلۋٸ مٷمكٸن. بۇل تۋرالى ٶڭٸرلٸك كوممۋنيكاتسييالار الاڭىندا ٶتكەن بريفينگتە قوستاناي وبلىسى ەكٸمدٸگٸ بٸلٸم باسقارماسىنىڭ باسشىسى زەۋرە بايمەنوۆا ايتتى, دەپ حابارلايدى "ۇلت اقپارات".
باسقارما باسشىسى ايتقانداي, 3-توقسانداعى وقىتۋ فورماتىندا بٸرقاتار ٶزگەرٸستەر بار. 9, 11 سىنىپ وقۋشىلارىنىڭ ارالاس وقىتۋ فورماتىنا كٶشۋٸ قورىتىندى اتتەستاتتاۋ جەنە ۇلتتىق بٸرىڭعاي تەستٸلەۋ دايىندىعىنا نەگٸزدەلگەن. قازٸر بۇل سىنىپتار اتا-انالاردىڭ كەلٸسٸمٸنسٸز ارالاس فورماتتا جۇمىسقا كٸرٸستٸ.
«قاشىقتان وقىتۋدى 114 مەكتەپ جٷزەگە اسىرادى. مۇندا 38,5 مىڭعا جۋىق وقۋشى بٸلٸم الادى. 3-توقساندا 6 مەكتەپتٸڭ جانىنداعى ينتەرناتتىڭ جۇمىسى قايتا جالعاسادى. سونداي-اق, وبلىستىق دارىندى بالالارعا ارنالعان مەكتەپ-ينتەرناتتارى دا بٸلٸم بەرۋدٸڭ قالىپتى جٷيەسٸنە كٶشتٸ. وسى توقساندا اتا-انالار جەنە پەداگوگتاردىڭ كەلٸسٸمٸمەن سانى 5 بالاعا دەيٸنگٸ توپتاردا قوسىمشا ساباقتار ٶتكٸزٸلۋٸ مٷمكٸن. بۇدان بٶلەك ساباقتان تىس ۋاقىتتا جەكە كونسۋلتاتسييالار ۇيىمداستىرىلادى. مۇنىڭ بەرٸ وسى ۋاقىتقا دەيٸن جٸبەرٸلگەن ولقىلىقتاردىڭ ورنىن تولتىرۋ ٷشٸن جاسالىپ وتىر», - دەيدٸ زەۋرە بەيمەنوۆا.
وبلىس كوللەدجدەرٸنٸڭ ستۋدەنتتەرٸ ٷشٸن دە وقىتۋ فورماتى ٶزگەردٸ. ەكٸنشٸ سەمەستردە كوللەدجدەردٸڭ بٸرٸنشٸ كۋرس ستۋدەنتتەرٸ شتاتتىق فورماتتا وقۋعا كٶشتٸ. ٶيتكەنٸ ولار ٷشٸن وقىتۋشىلار كورپۋسىمەن تٸكەلەي جۇمىس ٸستەۋ ماڭىزدى.
«مەكتەپكە دەيٸنگٸ بالالار ۇيىمدارى جۇمىسىن كەزەكشٸ توپتار فورماتىندا جالعاستىرۋدا. قاۋلىعا سەيكەس توپتاردا شۇعىلداناتىندار سانى 15 ادامنان اسپايدى, جۇمىس رەجيمٸ ساعات 9:00-دەن 20:00-گە دەيٸن بەلگٸلەندٸ. بالالار سەكتسييالارىنىڭ, ٷيٸرمەلەردٸڭ, فاكۋلتاتيۆتەردٸڭ جۇمىسىنا دەمالىس جەنە مەرەكە كٷندەرٸ رۇقسات بەرٸلمەيدٸ», - دەدٸ باسقارما باسشىسى.
