وڭتٷستٸك كورەيا مەملەكەتٸنٸڭ قازاقستان رەسپۋبليكاسىنداعى ەلشٸسٸ كيم دە سيك تانىمال قازاقستاندىق مەنەرلەپ سىرعاناۋشى دەنيس تەننٸڭ جاقىندارى مەن تۋىستارىنا كٶڭٸل ايتتى, دەپ حابارلايدى "ۇلت اقپارات".
«دارىندى سپورتشى دەنيس تەننٸڭ مەزگٸلسٸز قايتىس بولۋى تۋرالى سۋىت حابار كورەياداعى قازاقستان ەلشٸلٸگٸنٸڭ قىزمەتكەرلەرٸن ەسەڭگٸرەتتٸ. بٸزدٸڭ قازٸرگٸ كٷيٸمٸزدٸ سٶزبەن ايتىپ جەتكٸزۋ قيىن. تالانتتى ەرٸ اقجارقىن ادام بولعان, ەلدەن كٶمەگٸن اياماعان دەنيس تەننٸڭ جاقىندارى مەن تۋىستارىنا كٶڭٸل ايتامىز», - دەپ جازدى ەلشٸ تەلەگرام جەلٸسٸندە.
ديپلومات قازاقستان ٷشٸن عانا ەمەس, جالپى كورەي حالقى ٷشٸن دە دەنيس تەننٸڭ ورنى ويسىراپ تۇرعانىن جەتكٸزدٸ.
«دەنيستٸڭ تاريحي وتانىنداعى حالىق تا قايعىرىپ وتىر. دەنيس تەن - جاپون وتارلاۋشىلارىنا قارسى كٷرەسكەن گەنەرال مين گىن حونىڭ ۇرپاعى ەدٸ. حالىقتىڭ سٷيٸكتٸ ۇلىنىڭ قازا تابۋىنا بايلانىستى كورەيا رەسپۋبليكاسىنىڭ حالقى مەن ٷكٸمەتٸ اتىنان كٶڭٸل ايتامىز», - دەپ جازدى ول.
