Ońtústik Koreia memleketiniń Qazaqstan Respýblikasyndaǵy elshisi Kim De Sik tanymal qazaqstandyq mánerlep syrǵanaýshy Denis Tenniń jaqyndary men týystaryna kóńil aitty, dep habarlaidy "Ult aqparat".
«Daryndy sportshy Denis Tenniń mezgilsiz qaitys bolýy týraly sýyt habar Koreiadaǵy Qazaqstan elshiliginiń qyzmetkerlerin eseńgiretti. Bizdiń qazirgi kúiimizdi sózben aityp jetkizý qiyn. Talantty ári aqjarqyn adam bolǵan, elden kómegin aiamaǵan Denis Tenniń jaqyndary men týystaryna kóńil aitamyz», - dep jazdy elshi Telegram jelisinde.
Diplomat Qazaqstan úshin ǵana emes, jalpy korei halqy úshin de Denis Tenniń orny oisyrap turǵanyn jetkizdi.
«Denistiń tarihi otanyndaǵy halyq ta qaiǵyryp otyr. Denis Ten - japon otarlaýshylaryna qarsy kúresken general Min Gyn Honyń urpaǵy edi. Halyqtyń súiikti ulynyń qaza tabýyna bailanysty Koreia Respýblikasynyń halqy men úkimeti atynan kóńil aitamyz», - dep jazdy ol.
