قازاقستاندا ۇشقىشسىز جولاۋشىلارعا ارنالعان ەۋە كٶلٸگٸن دامىتۋ جوباسى رەسمي تٷردە باستالدى. Allur اۆتوموبيل كومپانيياسى قىتايدىڭ EHang جەنە قازاقستاندىق QazTehna كومپانييالارىمەن بٸرلەسٸپ, ەلٸمٸزدە eVTOL – تٸك كٶتەرٸلٸپ, قونا الاتىن ەلەكترلٸ ۇشقىشسىز جولاۋشىلار ەۋە جٷيەسٸن ەنگٸزۋگە كٸرٸستٸ, دەپ حابارلايدى ult.kz.
جوبانىڭ العاشقى كٶرسەتٸلٸمٸ استانادا ٶتٸپ جاتقان «بولاشاق ويىندارى – 2026» حالىقارالىق تۋرنيرٸ اياسىندا ۇيىمداستىرىلدى. ٸس-شارا بارىسىندا EHang كومپانيياسىنىڭ EH216-S ۇشقىشسىز جولاۋشىلار اپپاراتى ارنايى رۇقسات ەتٸلگەن اۋماقتا سىناق ۇشۋىن ورىندادى.
سىناق ۇشۋىنا قازاقستان رەسپۋبليكاسىنىڭ كٶلٸك مينيسترٸ نۇرلان ساۋرانباەۆ جولاۋشى رەتٸندە قاتىستى.
پرەزيدەنت كٶمەكشٸسٸ: بۇل – ارمان بولعان تەحنولوگييا
ٸس-شارانى قر پرەزيدەنتٸنٸڭ كٶمەكشٸسٸ قۋانىشبەك ەسەكەەۆ اشىپ, جاڭا تەحنولوگييانىڭ قازاقستان ٷشٸن ماڭىزىن اتاپ ٶتتٸ.
«بٷگٸن بٸز بۇرىن تەك ارمان بولىپ كٶرٸنگەن ەلەكترلٸ ۇشۋ اپپاراتىنىڭ كۋەسٸ بولىپ وتىرمىز. ەندٸ ول پراكتيكالىق سىناقتان ٶتٸپ, جاڭا كٶلٸك جٷيەسٸنٸڭ بٸر بٶلٸگٸنە اينالىپ كەلەدٸ. بۇل كٶرسەتٸلٸمنٸڭ "بولاشاق ويىندارى" اياسىندا ٶتۋٸنٸڭ سيمۆولدىق مەنٸ بار. باتىل تەحنولوگييالىق يدەيالاردىڭ ناقتى شەشٸمدەرگە اينالۋىنىڭ جارقىن كٶرٸنٸسٸ», – دەدٸ ول.
العاشقى جولاۋشى – كٶلٸك مينيسترٸ
سىناق ۇشۋىنان كەيٸن كٶلٸك مينيسترٸ نۇرلان ساۋرانباەۆ العان ەسەرٸمەن بٶلٸستٸ. ونىڭ ايتۋىنشا, ۇشۋ كەزٸندە قورقىنىش بولماعان.
«بۇل قىتايدا بٸرنەشە رەت سىنالعان تەحنولوگييا. سوندىقتان ەشقانداي كٷمەن بولعان جوق», – دەدٸ مينيستر.
ۇشۋ كەزٸندە نە ويلاعانى تۋرالى سۇراققا مينيستر:
«مەن "قازاقستان, العا!" دەپ ويلادىم. بٸز بارلىق جاڭا تەحنولوگييالاردا الدىڭعى قاتاردا بولۋىمىز كەرەك. بولاشاق وسى باعىتتا», – دەپ جاۋاپ بەردٸ.
مينيستردٸڭ ايتۋىنشا, اپپارات ٶتە جەڭٸل كٶتەرٸلەدٸ. ۇشۋ بارىسىندا ازداعان دٸرٸل مەن شۋ سەزٸلەدٸ, الايدا بۇل قالىپتى قۇبىلىس ەكەنٸن الدىن الا ەسكەرتكەن. سونداي-اق كابينا كٷننٸڭ ەسەرٸنەن سەل قىزعانىمەن, سالقىنداتۋ جٷيەسٸ قاراستىرىلعانىن ايتتى.
سٶز سوڭىندا ول:
«جاقىن ارادا ٶزدەرٸڭٸز دە ۇشىپ كٶرەسٸزدەر دەپ ويلايمىن», – دەپ, بۇل كٶلٸكتٸڭ بولاشاعى زور ەكەنٸنە سەنٸمدٸلٸك بٸلدٸردٸ.
اپپاراتتىڭ مٷمكٸندٸگٸ قانداي?
EH216-S ەكٸ جولاۋشىنى تاسىمالداۋعا ارنالعان. ول ساعاتىنا 130 شاقىرىمعا دەيٸن جىلدامدىقپەن ۇشىپ, 35 شاقىرىمعا دەيٸنگٸ قاشىقتىقتى ەڭسەرە الادى.
جوبانىڭ العاشقى كەزەڭٸندە قازاقستاننىڭ تابيعي, تاريحي جەنە مەدەني ورىندارى ٷستٸنەن 5–30 مينۋتتىق تۋريستٸك ەۋە باعىتتارىن ٸسكە قوسۋ جوسپارلانىپ وتىر.
بۇدان بٶلەك, مۇنداي اپپاراتتاردى شۇعىل مەديتسينالىق كٶمەك كٶرسەتۋگە, دەرٸ-دەرمەك جەتكٸزۋگە, ٶرت سٶندٸرۋگە, لوگيستيكاعا جەنە تٶتەنشە جاعدايلاردا پايدالانۋعا مٷمكٸندٸك بار.
قازاقستاندا ٶندٸرٸسٸن جولعا قويۋ جوسپارلانعان
اتالعان جوبانى ٸسكە اسىرۋ Allur كومپانيياسىنىڭ قازاقستاندا زاماناۋي ٶندٸرٸستەردٸ دامىتۋ جەنە ەلەمدٸك وزىق تەحنولوگييالاردى ەنگٸزۋ جٶنٸندەگٸ جٷيەلٸ جۇمىسىنىڭ كەزەكتٸ كەزەڭٸ بولىپ تابىلادى. سوڭعى جىلدارى كومپانييا وتاندىق اۆتوموبيل جاساۋ ٶنەركەسٸبٸن دامىتۋعا, ٶندٸرٸستٸ لوكاليزاتسييالاۋ جەنە جاڭا يندۋسترييالىق قۇزىرەتتەردٸ قالىپتاستىرۋعا ەلەۋلٸ ٷلەس قوسىپ كەلەدٸ. ەندٸ Allur وسى تەجٸريبەسٸن جاڭا باعىتتا جالعاستىرىپ, ەلٸمٸزدە ۇشقىشسىز اۆياتسييالىق جٷيەلەردٸ ٶندٸرۋ مەن دامىتۋدىڭ نەگٸزٸن قالادى.
قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ ۇلتتىق ەكونوميكانىڭ بەسەكەگە قابٸلەتتٸلٸگٸ جوعارى تەحنولوگييالىق ٶنەركەسٸپتٸ دامىتۋعا, زاماناۋي ٶندٸرٸستەردٸ لوكاليزاتسييالاۋعا جەنە وزىق تەحنولوگييالاردى ترانسفەرتتەۋگە تٸكەلەي بايلانىستى ەكەنٸن بٸرنەشە رەت اتاپ ٶتكەن بولاتىن. مەملەكەت باسشىسى يننوۆاتسييالارعا, ينجەنەرلٸك قۇزىرەتتەرگە جەنە جوعارى قوسىلعان قۇنى بار ٶنٸم شىعارۋعا نەگٸزدەلگەن جاڭا بۋىن ەكونوميكاسىن كەزەڭ-كەزەڭٸمەن قالىپتاستىرۋ مٸندەتٸن قويعان.
Allur, EHang جەنە QazTehna بٸرلەسكەن جوباسى وسى ستراتەگييالىق باسىمدىقتارعا تولىق سەيكەس كەلەدٸ جەنە قازاقستاندا جاڭا كٶلٸك سالاسىن, جوعارى تەحنولوگييالىق ٶندٸرٸستٸ جەنە يننوۆاتسييالىق ەكوجٷيەنٸ دامىتۋداعى ماڭىزدى قادامداردىڭ بٸرٸنە اينالادى.
ايتا كەتسەك, EHang كومپانيياسى ۇشقىشسىز ەۋە تەحنولوگييالارى سالاسىنداعى ەلەمدٸك كٶشباسشىلاردىڭ بٸرٸ بولىپ سانالادى جەنە ەلەمدە العاش بولىپ eVTOL ساناتىنداعى ۇشقىشسىز جولاۋشىلار كەمەسٸنٸڭ كوممەرتسييالىق پايدالانىلۋىنا قاجەتتٸ نەگٸزگٸ سەرتيفيكاتتاردىڭ تولىق توپتاماسىن العان.
