ناۋقاس 6 جاسىنان بەرٸ ەپيلەپسييامەن اۋىرىپ كەلگەن. 2014 جىلدان كەيٸن اۋرۋ بەلگٸلەرٸ بەسەڭدەپ, ۇزاق ۋاقىت رەميسسييا بايقالعان. الايدا سوڭعى ۋاقىتتا قۇرىسۋ ۇستامالارى قايتا كٷشەيٸپ, دەرٸگەرلەر تەرەڭدەتٸلگەن تەكسەرۋ جٷرگٸزگەن, دەپ حابارلايدى ult.kz.
ماگنيتتٸك-رەزونانستىق توموگرافييا نەتيجەسٸندە ناۋقاستىڭ ميىنىڭ وڭ جاق ماڭداي بٶلٸگٸندە بٸرنەشە سيرەك پاتولوگييا انىقتالدى. اتاپ ايتقاندا, ينتراتسەرەبرالدى ليپوما, ارتەريوۆەنوزدىق مالفورماتسييا جەنە فوكالدى كورتيكالدى ديسپلازييا دياگنوزى قويىلعان. مامانداردىڭ ايتۋىنشا, ينتراتسەرەبرالدى ليپوما مي ٸسٸكتەرٸنٸڭ نەبەرٸ 1 پايىزىن عانا قۇرايتىن ٶتە سيرەك اۋرۋ سانالادى.
دەرٸگەرلەر مۇنداي بٸرنەشە كٷردەلٸ پاتولوگييانىڭ بٸر ادامنىڭ بويىنان قاتار تابىلۋى نەيروحيرۋرگييا تەجٸريبەسٸندە ٶتە سيرەك كەزدەسەتٸن جاعداي ەكەنٸن اتاپ ٶتتٸ. ناۋقاستىڭ جاستىعى دا جاعدايدىڭ كٷردەلٸلٸگٸن ارتتىرعان.
شامامەن جەتٸ ساعاتقا سوزىلعان وپەراتسييانى نەيروحيرۋرگ ەركٸن مەدەتوۆ جٷرگٸزدٸ. وتا بارىسىندا بارلىق پاتولوگييا تولىق الىنىپ تاستالدى.
قازٸر پاتسيەنتتٸڭ جاعدايى تۇراقتى. ول دەرٸگەرلەردٸڭ باقىلاۋىندا ەم قابىلداپ جاتىر.
ماماندار بۇل وقيعانى وتاندىق نەيروحيرۋرگيياداعى ماڭىزدى جەتٸستٸكتەردٸڭ بٸرٸ دەپ باعالاپ وتىر. ٶيتكەنٸ مۇنداي كٷردەلٸ وپەراتسييالاردىڭ سەتتٸ ورىندالۋى قازاقستاندىق مەديتسينا ماماندارىنىڭ جوعارى كەسٸبي دەڭگەيٸن كٶرسەتەدٸ.
