Naýqas 6 jasynan beri epilepsiiamen aýyryp kelgen. 2014 jyldan keiin aýrý belgileri báseńdep, uzaq ýaqyt remissiia baiqalǵan. Alaida sońǵy ýaqytta qurysý ustamalary qaita kúsheiip, dárigerler tereńdetilgen tekserý júrgizgen, dep habarlaidy ult.kz.
Magnittik-rezonanstyq tomografiia nátijesinde naýqastyń miynyń oń jaq mańdai bóliginde birneshe sirek patologiia anyqtaldy. Atap aitqanda, intratserebraldy lipoma, arteriovenozdyq malformatsiia jáne fokaldy kortikaldy displaziia diagnozy qoiylǵan. Mamandardyń aitýynsha, intratserebraldy lipoma mi isikteriniń nebári 1 paiyzyn ǵana quraityn óte sirek aýrý sanalady.
Dárigerler mundai birneshe kúrdeli patologiianyń bir adamnyń boiynan qatar tabylýy neirohirýrgiia tájiribesinde óte sirek kezdesetin jaǵdai ekenin atap ótti. Naýqastyń jastyǵy da jaǵdaidyń kúrdeliligin arttyrǵan.
Shamamen jeti saǵatqa sozylǵan operatsiiany neirohirýrg Erkin Medetov júrgizdi. Ota barysynda barlyq patologiia tolyq alynyp tastaldy.
Qazir patsienttiń jaǵdaiy turaqty. Ol dárigerlerdiń baqylaýynda em qabyldap jatyr.
Mamandar bul oqiǵany otandyq neirohirýrgiiadaǵy mańyzdy jetistikterdiń biri dep baǵalap otyr. Óitkeni mundai kúrdeli operatsiialardyń sátti oryndalýy qazaqstandyq meditsina mamandarynyń joǵary kásibi deńgeiin kórsetedi.
