اتىراۋدا بۇرىنعى ەيەلٸنٸڭ جاقىن تۋىستارىن ٶلتٸردٸ دەگەن كٷدٸككە ٸلٸنگەن سۇلتان سەرسەمەليەۆتٸ ادۆوكات اسان جۇماباەۆ تەگٸن قورعاپ جاتقانىن ايتتى, دەپ حابارلايدى ult.kz.
بۇل تۋرالى ادۆوكات جۋرناليست جانات جاقسىبايقىزىنا بەرگەن سۇحباتىندا مەلٸمدەدٸ. ونىڭ سٶزٸنشە, ادۆوكات زاڭ اياسىندا قايىرىمدىلىق جەنە قوعامدىق نەگٸزدە تەگٸن قۇقىقتىق كٶمەك كٶرسەتە الادى.
"ادۆوكاتتىڭ ٶزٸنٸڭ قۇقىعى بار. قايىرىمدىلىق ەرٸ قوعامدىق نەگٸزدە ادۆوكات تەگٸن قىزمەت كٶرسەتە الادى. مەن سول نەگٸزدە تەگٸن قىزمەت كٶرسەتٸپ وتىرمىن. ەلەۋمەتتٸك كٶمەك قايىرىمدىلىق نەگٸزدە كٶرسەتٸلٸپ جاتىر", – دەدٸ اسان جۇماباەۆ.
ادۆوكاتتىڭ ايتۋىنشا, سوتتالۋشى سۇلتان سەرسەمەليەۆ سوت بارىسىندا كٸنەسٸن تولىق مويىنداعانىمەن, سوتتىڭ زاڭدى شەشٸمٸ شىقپايىنشا ونى كٸنەلٸ دەپ اتاۋعا بولمايدى. جۋرناليستەر وسىعان قاتىستى بٸرنەشە رەت سۇراق قويعانىمەن, جۇماباەۆ ٶز ۇستانىمىنان تايمادى.
سونداي-اق ول قورعاۋىنداعى ازاماتقا قارسى جاۋاپ بەرمەيتٸنٸن ايتىپ, ادۆوكات رەتٸندە ٶز مٸندەتٸن زاڭ اياسىندا اتقارىپ جاتقانىن جەتكٸزدٸ.
