فوتو: Baq.kz
مەجٸلٸس دەپۋتاتى, بۇرىنعى بٸلٸم مينيسترٸ اسحات ايماعامبەتوۆ پاۆلوداردا مەكتەپتەگٸ ساباق ۋاقىتىن 40 مينۋتقا قىسقارتۋ تۋرالى باستاماعا نارازىلىعىن بٸلدٸردٸ, دەپ حابارلايدى "ۇلت اقپارات".
«پاۆلودار وبلىسىنىڭ باسشىلارى ساباقتاردى 30 مينۋتقا دەيٸن قىسقارتۋدى ويلاپ تاپپاعانىنا شٷكٸر. بۇنداي لوگيكامەن, ەندٸ جاڭا مەكتەپتەر سالماي-اق, تٶرت اۋىسىمعا كٶشٸپ, ميللياردتاعان قاراجاتتى ٷنەمدەۋگە بولار ەدٸ. شىنىن ايتقاندا, پاۆلوداردا ساباقتاردى قىسقارتۋ كٶپتەگەن سۇراقتار تۋعىزادى. ايماقتاردا ساباقتىڭ ۇزاقتىعىن ٶزدەرٸ شەشٸپ, ەكٸمدٸككە ىڭعايلى كەز كەلگەن جاعدايدا ونلاين وقۋعا كٶشەتٸن بولسا, وقۋ پروتسەسٸ مٷلدەم حاوسقا اينالادى. باعدارلامالاردىڭ مازمۇنى, بٸلٸم ماقساتتارى ٶزگەرمەي قالاي ساباقتى قىسقارتۋعا بولادى? بۇل بٸلٸم ساپاسىنا جەنە بارلىق وقۋشىلارعا ساپالى بٸلٸم الۋ ٷشٸن تەڭ جاعداي جاساۋعا ٷلكەن پروبلەمالار تۋدىراتىنى انىق», - دەدٸ ەكس-بٸلٸم مينيسترٸ ايماعامبەتوۆ.
دەپۋتاتتىڭ سٶزٸنشە, ەر ٶڭٸر ٶز بٸلگەنٸمەن ساباقتىڭ ۋاقىتىن قويىپ الاتىن بولسا, بٸرٸزدٸلٸك جويىلادى.
«قىزىق پارادوكس: بٸر جاعىنان, ەل بويىنشا بٸرىڭعاي ۋاقىت بەلدەۋٸ ەنٸپ جاتىر, ال ەكٸنشٸ جاعىنان — ەر وبلىس ساباقتىڭ ۇزاقتىعىن ٶزٸ شەشەدٸ. بٸرٸزدٸلٸك قايدا? عىلىمعا نەگٸزدەلگەن شەشٸم قايدا?», - دەپ جازدى دەپۋتات.
ايتا كەتسەك, بۇعان دەيٸن پاۆلوداردا ەكٸنشٸ اۋىسىمدا وقيتىن بالالاردىڭ ساباعى كەشكٸ ساعات 19.30-عا دەيٸن اياقتالۋى ٷشٸن ساباق ۋاقىتى 40 مينۋتقا قىسقارعانى بەلگٸلٸ بولعان. وبلىستى اسايىن بايحانوۆ باسقارىپ وتىر.
