پرەزيدەنتتٸككە كانديدات قاراقات ەبدەننٸڭ ەل ٶڭٸرلەرٸندەگٸ سايلاۋالدى ساپارلارى جالعاسۋدا. بٷگٸن كانديدات شىمكەنت قالاسىنداعى «اگف گرۋپپ» اتتى تٸگٸن فابريكاسىنىڭ ۇجىمىمەن جٷزدەستٸ, دەپ حابارلايدى ٷمٸتكەر شتابىنىڭ باسپاسٶز قىزمەتٸ.
كەزدەسۋ بارىسىندا كانديداتتىڭ باعدارلاماسى تانىستىرىلىپ, قوعامداعى ٶزەكتٸ مەسەلەلەر مەن ەلەۋمەتتٸك سۇراقتار تالقىلاندى. تٸگٸن فابريكاسى ۇجىمىنىڭ باسىم كٶپشٸلٸگٸ ەيەلدەر قاۋىمى بولعاندىقتان, ولاردىڭ تاراپىنان كانديدات ۇسىنعان ەيەل-انالاردى, كٶپ بالالى وتباسىلاردى قولداۋ مەن ۇلتتىق قۇندىلىقتاردى دەرٸپتەۋگە قاتىستى شارالارعا باسا مەن بەرٸلدٸ.
«وتباسى مەن انالاردىڭ ەلەۋمەتتٸك مەسەلەلەرٸ – بۇل ەل ەكونوميكاسىنىڭ دامۋىن كٶرسەتەتٸن بٸردەن-بٸر كٶرسەتكٸش. مەنٸڭ سايلاۋالدى باعدارلامامدا بۇل سۇراقتارعا كٶپ كٶڭٸل بٶلٸنگەن. ەربٸر وتباسى, ەسٸرەسە كٶپ بالالى وتباسىنىڭ رۋحاني-ٶنەگەلٸك ەلەۋەتٸ زور, سوندىقتان ول حالىقتىڭ عاسىرلار بويى جيناقتالعان ۇلتتىق قۇندىلىقتارىن ساقتاپ, ۇرپاقتان-ۇرپاققا جەتكٸزەتٸن ماڭىزدى ۇعىم بولىپ تابىلادى. قازٸرگٸ كەزدە وتباسى ينستيتۋتىن جان-جاقتى نىعايتۋ, ونىڭ مەرتەبەسٸن ارتتىرۋ, كٶپ بالالى انالارعا قولداۋ كٶرسەتۋ ەرەكشە ماڭىزدى», - دەدٸ ەبدەن.
سونداي-اق بٷگٸنگٸ كەزدەسۋگە وبسە بايقاۋشىلار ميسسيياسىنىڭ ٶكٸلدەرٸ كريستوفەر ماككالوۋ مەن كريستينا بوگدانوۆا قاتىستى. ولار ٷگٸت-ناسيحات ناۋقانىنىڭ بارىسىمەن, قاراقات ەبدەننٸڭ سايلاۋالدى شتابتارىنىڭ جۇمىسىمەن تانىستى.
ەسكە سالساق, ەلٸمٸزدە 20 قاراشا كٷنٸ كەزەكتەن تىس پرەزيدەنت سايلاۋى ٶتەدٸ. كانديدات ق.ەبدەن ەل ايماقتارىن ارالاپ, 8 وبلىستا 30-دان استام كەزدەسۋ ٶتكٸزدٸ. الداعى ۋاقىتتا ول تٷركٸستان جەنە جامبىل وبلىستارىنىڭ سايلاۋشىلارىمەن جٷزدەسەدٸ.
