ٶڭٸرلەردٸڭ 50 مىڭنان استام حالقى بار ەلدٸ مەكەندەرٸندە قوعامدىق ورىنداردىڭ جۇمىسى توقتالادى. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸنٸڭ مٸندەتٸن اتقارۋشى لەززات اقتاەۆا ايتتى, دەپ حابارلايدى قازاقپارات.
«كۆي سىرقاتتانۋشىلىعىنىڭ ٶسۋٸن ەسكەرە وتىرىپ, كەشە, 18 ماۋسىمداعى ۆاك شەشٸمٸمەن نۇر-سۇلتان جەنە الماتى, قاراعاندى, شىمكەنت, پاۆلودار, ەكٸباستۇز قالالارىندا الداعى دەمالىس كٷندەرٸ كارانتيندٸ كٷشەيتۋدٸڭ قوسىمشا شارالارى قابىلداندى. اتاپ ايتقاندا 20-21 ماۋسىمدا: ساۋدا-ويىن-ساۋىق ورتالىقتارىنىڭ, ساۋدا ٷيلەرٸنٸڭ, ساۋدا جەلٸلەرٸنٸڭ, جابىق ازىق-تٷلٸك جەنە ازىق-تٷلٸك ەمەس بازارلاردىڭ قىزمەتٸ توقتاتىلادى; قوعامدىق تاماقتانۋ وبەكتٸلەرٸنٸڭ جۇمىسى ەلەۋمەتتٸك قاشىقتىقتى ساقتاي وتىرىپ, اشىق اۋادا كٶشە فورماتىندا عانا رۇقسات ەتٸلەدٸ; قوعامدىق كٶلٸكتٸڭ جۇمىسى شەكتەلەدٸ; فيتنەس ورتالىقتارىنىڭ قىزمەتٸ توقتاتىلادى; 65 جاستان اسقان ادامداردىڭ كٶشەگە شىعۋى شەكتەلەدٸ», - دەدٸ ول.
سونىمەن قاتار, ونىڭ ايتۋىنشا, جوعارىدا اتالعان قالالارعا جاقىن ورنالاسقان تۋريستٸك ايماقتارعا كٸرۋ جابىلادى.
«سونداي-اق, ٶڭٸرلەردٸڭ 50 مىڭنان استام حالقى بار ەلدٸ مەكەندەرٸندە: قوعامدىق ورىنداردىڭ جۇمىسى توقتالادى; تۋريستٸك ايماقتاردا تۇراتىن ادامدارعا ەلەۋمەتتٸك قاشىقتىقتى ساقتاۋ ۇسىنىلادى; 65 جاستان اسقان ادامداردىڭ كٶشەگە شىعۋى شەكتەلەدٸ», - دەدٸ لەززات اقتاەۆا.
