Óńirlerdiń 50 myńnan astam halqy bar eldi mekenderinde qoǵamdyq oryndardyń jumysy toqtalady. Bul týraly Úkimet otyrysynda QR Densaýlyq saqtaý ministriniń mindetin atqarýshy Lázzat Aqtaeva aitty, dep habarlaidy QazAqparat.
«KVI syrqattanýshylyǵynyń ósýin eskere otyryp, keshe, 18 maýsymdaǵy VAK sheshimimen Nur-Sultan jáne Almaty, Qaraǵandy, Shymkent, Pavlodar, Ekibastuz qalalarynda aldaǵy demalys kúnderi karantindi kúsheitýdiń qosymsha sharalary qabyldandy. Atap aitqanda 20-21 maýsymda: saýda-oiyn-saýyq ortalyqtarynyń, saýda úileriniń, saýda jelileriniń, jabyq azyq-túlik jáne azyq-túlik emes bazarlardyń qyzmeti toqtatylady; qoǵamdyq tamaqtaný obektileriniń jumysy áleýmettik qashyqtyqty saqtai otyryp, ashyq aýada kóshe formatynda ǵana ruqsat etiledi; qoǵamdyq kóliktiń jumysy shekteledi; fitnes ortalyqtarynyń qyzmeti toqtatylady; 65 jastan asqan adamdardyń kóshege shyǵýy shekteledi», - dedi ol.
Sonymen qatar, onyń aitýynsha, joǵaryda atalǵan qalalarǵa jaqyn ornalasqan týristik aimaqtarǵa kirý jabylady.
«Sondai-aq, óńirlerdiń 50 myńnan astam halqy bar eldi mekenderinde: qoǵamdyq oryndardyń jumysy toqtalady; týristik aimaqtarda turatyn adamdarǵa áleýmettik qashyqtyqty saqtaý usynylady; 65 jastan asqan adamdardyń kóshege shyǵýy shekteledi», - dedi Lázzat Aqtaeva.
