"قر پرەزيدەنت كۋبوگى ٷشٸن حوككەي تۋرنيرٸنٸڭ رەسمي اشىلۋى استانالىق «بارىس» پەن قىتايلىق «كۋنلۋن رەد ستار» كومانداسى اراسىنداعى ويىنمەن باستالدى. الايدا ماتچتىڭ ٷشٸنشٸ مينۋتىندا دامير رىسپاەۆ تٶبەلەس شىعاردى. ونىمەن قويماي, قىتايلىق كوماندانىڭ بٸرنەشە حوككەيشٸسٸن سوققىعا جىعىپ, زاپاستا وتىرعان ويىنشىلارمەن دە جاعا جىرتىستى. سٶز جوق, بۇل ونىڭ «بارىس» پەن «كۋنلۋن» اراسىنداعى جولداستىق كەزدەسۋ كەزٸندە قارسىلاس كوماندانىڭ ەرەكەتٸ ٷشٸن العان ٶشٸ بولدى. د.رىسپاەۆ سول كەزدەسۋگە قاتىسقان جوق. الايدا كەشەگٸ ويىندا ەسەسٸن تولىعىمەن قايتاردى دەۋگە بولادى", - دەپ حابارلايدى Baq.kz تٸلشٸسٸ.
جولداستىق ويىندا قارسىلاس كوماندانىڭ حوككەيشٸسٸ «بارىستىڭ» شابۋىلشىسى داستين بويدتى مۇز ايدىنىنىڭ بورتىنا قاتتى سوعىپ, جاراقات سالعان ەدٸ. وسى سوققىدان كەيٸن د.بويد تۇرا المادى. ونى زەمبٸلمەن الىپ كەتۋگە تۋرا كەلدٸ. سودان «بارىستىڭ» حوككەيشٸلەرٸ اشۋعا مٸندٸ. دانييار قايىروۆ بٸرٸنشٸ بولىپ قارسىلاستىڭ حوككەيشٸسٸن سوققىنىڭ استىنا الدى. وسىدان كەيٸن مادييار يبرايبەكوۆ, الەكساندر ليپين, كونستانتين پۋشكارەۆ, نيكيتا يۆانوۆ پەن يۆان كۋچين جاپپاي تٶبەلەس ٷشٸن ايىپ ۋاقىتىن ٶتەۋگە مەجبٷر بولدى.
ال كەشەگٸ ويىندا مۇز ايدىنىنا شىققان دامير رىسپاەۆ الدىمەن سلوۆاك توماش مارتسينكونى شىقشىتتان بٸر بەرٸپ, نوكاۋتقا جٸبەردٸ. مەديكتەر ونى زەمبٸلمەن الىپ كەتتٸ. وسىدان كەيٸن دامير قىتايلىق كوماندانىڭ حوككەيشٸلەرٸن بٸر-بٸرلەپ ساباۋعا كٶشتٸ.
باس كەزٸندە سلوۆاك توماش مارتسينكونىڭ ميى شايقالدى دەگەن اقپارات بولدى. الايدا كەيٸن دەرٸگەرلەر ول مەلٸمەتتٸ جوققا شىعاردى. سوعان قاراماستان, قۇرلىقتىق حوككەي ليگاسىنىڭ باسشىلىعى «بارىستىڭ» قورعاۋشىسى دامير رىسپاەۆقا ليگانىڭ نەگٸزگٸ ويىندارى باستالعانشا تۋرنيرلەرگە قاتىسۋعا تىيىم سالدى. دەمەك, پرەزيدەنت كۋبوگى اياقتالعانشا جانكٷيەرلەر داميردٸ كٶرە المايدى. دەگەنمەن, تامىزدىڭ 23-ٸ كٷنٸ باستالاتىن قۇرلىقتىق حوككەي ليگاسىنىڭ كەزەكتٸ ماۋىسىمى اياسىندا «بارىس» مەن «كۋنلۋن» ەلٸ تالاي رەت كەزدەسەدٸ. د.رىسپاەۆ وسى ويىندارعا قاتىسا الادى.
ال كەشەگٸ ماتچتان كەيٸن «بارىس» حوككەي كلۋبىنىڭ رەسمي حابارلاما جارييالادى. وعان سەيكەس, كەشەگٸ ويىنعا ايىزى قانباعان جانكٷيەرلەر بيلەت اقشاسىن قايتارا الادى, يا بولماسا, تۋرنير اياسىنداعى باسقا ماتچقا ايىرباستاۋعا بولادى. «بيلەتتٸ الداعى ٷش كٷندە – 9,10 مەن 11-ٸ كٷندەرٸ "بارىس" ارەنا كاسسالارىندا ساعات 11:00-20:00 ارالىعىندا ايىرباستاۋعا نەمەسە اقشاسىن الىپ كەتۋگە بولادى», - دەلٸنگەن رەسمي حابارلامادا.
ايتا كەتەيٸك, بٷگٸن تۋرنير اياسىندا «بارىس» كلۋبى «ماتەللۋرگ» (نوۆوكۋزنەتسك) كومانداسىمەن كەزدەسەدٸ.
