قر مەدەنيەت جەنە سپورت مينيسترٸ ارىستانبەك مۇحامەديۇلىنىڭ ايتۋىنشا, كارتا الدىمەن البوم ٷلگٸسٸندە شىعادى, دەپ حابارلايدى قازاقپارات تٸلشٸسٸ.
«قازٸرگٸ كەزدە اتالعان كارتا بويىنشا جۇمىس توبىن جاساقتاپ جاتىرمىز. ابىروي بولعاندا, بٸزدە ٶلكەتانۋشىلار مەن گەوگرافتار قاۋىمداستىقتارى بار. بۇدان بٶلەك, ٶزدٸگٸمەن ەكسپەديتسيياعا شىعىپ جٷرگەن عالىمدارىمىز دا از ەمەس. ال ناقتى كيەلٸ جەرلەردٸڭ كارتاسى جايىندا ايتار بولساق, جىلدىڭ اياعىنا دەيٸن بٸز اتالعان كارتانىڭ البومىن دايىنداپ شىعارامىز. ەرينە, بٸز ونى ەلەكتروندى فورماتقا دا اۋىستىراتىن بولامىز», - دەدٸ مۇحامەديۇلى جۋرناليستەرگە بەرگەن سۇحباتىندا.
ونىڭ ايتۋىنشا, قازاقستاننىڭ كيەلٸ جەرلەرٸنٸڭ كارتاسىن جاساۋعا كٶپ اقشا كەتپەيدٸ. مينيسترلٸك بارلىق شىعىنداردى ٶز بيۋدجەتٸنەن ٶتەيدٸ. «كارتانى جاساپ شىعارۋ ٷشٸن اقشا ەمەس, اقپارات كٶپ كەرەك. ەرينە, ەربٸر تاريحي جەردٸڭ اڭىز-ەڭگٸمەلەرٸن جازا بەرسەك, وعان ۋاقىت تا, كارتانىڭ كٶلەمٸ دە جەتپەيدٸ. سوندىقتان ايشىقتى ەرٸ قىزىقتى دەگەن جەرلەردٸ ٸرٸكتەپ العانىمىز جٶن. ەندٸ, الداعى بٸر-ەكٸ ايدىڭ ٸشٸندە بٸز ول كارتانىڭ ەلەكتروندى نۇسقاسىن كٶرسەتە الامىز», - دەپ اتاپ كٶرسەتتٸ مينيستر.
ايتا كەتەيٸك, قازاقستانىڭ كيەلٸ جەرلەرٸنٸڭ كارتاسى مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان نەگٸزگٸ يدەيالاردى جٷزەگە اسىرۋ اياسىندا قولعا الىنىپ وتىر. «وسى تۇرعىدا, پرەزيدەنت ۇلىتاۋ تٶرٸندەگٸ جەدٸگەرلەر كەشەنٸن, قوجا احمەت ياساۋي ماۆزولەيٸن, تارازدىڭ ەجەلگٸ ەسكەرتكٸشتەرٸن, بەكەت اتا كەسەنەسٸن, التايداعى كٶنە قورىمدار مەن جەتٸسۋدىڭ كيەلٸ مەكەندەرٸن جەنە باسقا دا جەرلەردٸ ٶزارا ساباقتاستىرۋدى تاپسىردى. اتالعان جەرلەردٸڭ بارلىعى - بٸزدٸڭ ۇلتتىق بٸرەگەيلٸگٸمٸزدٸڭ كەرەگەسٸ», - دەيدٸ مينيستر مۇحامەديۇلى.
