قر اقپارات جەنە كوممۋنيكاتسييالار مينيسترٸ دەۋرەن اباەۆ بجزق-نىڭ قازاقستاندىقتاردىڭ زەينەتاقى قورىنىڭ اۋقىمدى بٶلٸگٸن ەزەربايجان حالىقارالىق بانكٸنە سالۋىنا بايلانىستى مەسەلەگە قاتىستى پٸكٸر بٸلدٸردٸ.
«مەن ٶزدەرٸنٸڭ زەينەتاقى قورى ٷشٸن ۋايىمداپ جاتقان ادامداردى جاقسى تٷسٸنەمٸن. قازٸرگٸ تاڭدا تەكسەرٸس جٷرٸپ جاتىر, ونىڭ نەتيجەسٸ جارييالاناتىن بولادى. قازاقستاندا, تٸپتٸ, ينفلياتسييانى ەسەپكە الا وتىرىپ, زەينەتاقى قورىنا مەملەكەتتٸك كەپٸلدٸك بەرٸلگەن. سوندىقتان, ەلٸمٸزدەگٸ زەينەتكە شىققان بارلىق ازاماتتار زەينەتاقى الاتىن بولادى. بۇعان ەش كٷمەن كەلتٸرمەڭٸزدەر, بۇل ٷشٸن ۋايىمعا سالىنۋدىڭ قاجەتٸ جوق. «بۇل قارجىلار دۇرىس ينۆەستيتسييالانعان با?» دەگەن سۇراق - جٸتٸ باقىلاۋعا الىنعان, قازٸر سەيكەسٸنشە تەكسەرٸس جٷرٸپ جاتىر», - دەپ اتاپ ٶتتٸ مينيستر «حابار» تەلەارناسىنداعى «دەۋرەن اباەۆپەن اشىق ديالوگ» باعدارلاماسىنىڭ ەفيرٸندە.
ەسكە سالايىق, قازاقستاننىڭ بٸرىڭعاي جيناقتاۋشى زەينەتاقى قورى 71,3 ملرد تەڭگەلٸك اكتيۆٸن ينۆەستيتسييالاعان ەزەربايجان حالىقارالىق بانكٸ سوتقا بانكروتقا ۇشىراعانى تۋرالى ٶتٸنٸش بٸلدٸرگەن. قارجى مەكەمەسٸ سىرتقى قارىزىن تٶلەۋدٸ توقتاتىپ, كرەديتورلارمەن قايتا قۇرىلىمداۋ تۋرالى كەلٸسسٶزدەر جٷرگٸزۋگە دايىندالىپ جاتىر. اتالمىش قارجىلىق مەسەلە ەزەربايجاننىڭ ۇلتتىق ۆاليۋتاسىنىڭ قۇنسىزدانۋى مەن مۇناي باعاسىنىڭ تۇراقسىزدىعى سالدارىنان تۋىنداعان. بانك باسشىلىعى بانكروتتىقتى جارييالاۋ ارقىلى كرەديتورلار تاراپىنان تٷسەتٸن تالاپ-ارىزدان قۇتىلۋدى كٶزدەپ وتىر.
سونىمەن قاتار, ەزەربايجان ٷكٸمەتٸ بانكتٸڭ قارىزدارىن تٶلەۋ تۋرالى شەشٸم شىعاردى. سوندىقتان, ساراپشىلاردىڭ ايتۋىنشا, پروبلەمالىق بانككە اقشاسىن سالعان بجزق-عا دا, باسقا كومپانييالارعا دا ەشقانداي قاۋٸپ تٶنٸپ تۇرعان جوق.
