سۋرەت: قمدب
بيىل قۇربان ايتتىڭ العاشقى كٷنٸ جەكسەنبٸگە تٷسٸپ تۇرعاندىقتان, قازاقستاندىقتارعا قوسىمشا دەمالىس بەرٸلمەيدٸ, دەپ حابارلايدى "ۇلت اقپارات" قازاقستان مۇسىلماندارى دٸني باسقارماسىنىڭ اقپاراتىنا سٸلتەمە جاساپ.
بيىل قاسيەتتٸ مەيرامنىڭ بٸرٸنشٸ كٷنٸ 16 ماۋسىم, جەكسەنبٸگە تٷسٸپ تۇر.
«2024 جىلى 6 ماۋسىمدا جاڭا ايدىڭ كٶرٸنۋٸنە بايلانىستى بيىل زۇلحيججا ايى 7 ماۋسىمدا باستالىپ, اراپا 15 ماۋسىمعا, ال قۇربان ايت 16 ماۋسىمعا ساي كەلەدٸ», - دەلٸنگەن حابارلامادا.
ال قولدانىستاعى زاڭعا سەيكەس, دٸني مەيرام دەمالىس كٷندەرگە تٷسسە, دەمالىس باسقا كٷنگە اۋىستىرىلمايدى.
ياعني بۇعان دەيٸن قمدب دٸني مەرەكەلەر كەستەسٸن جارييالاعان كەزدە, قۇربان ايتتىڭ بٸرٸنشٸ كٷنٸ 17 ماۋسىم, دٷيسەنبٸگە تٷسەتٸنٸن حابارلانعان. دەگەنمەن, ايدىڭ كٶرٸنۋٸنە بايلانىستى, قاسيەتتٸ مەيرام بٸر كٷن ەرتە باستالاتىن بولىپ تۇر.
ايتا كەتەرٸ, ٷش كٷنگە سوزىلاتىن قۇربان ايتتا جاعدايى كەلگەن مۇسىلمانعا قۇرباندىق شالۋ – مٸندەت.
