Sýret: QMDB
Biyl Qurban aittyń alǵashqy kúni jeksenbige túsip turǵandyqtan, qazaqstandyqtarǵa qosymsha demalys berilmeidi, dep habarlaidy "Ult aqparat" Qazaqstan musylmandary dini basqarmasynyń aqparatyna silteme jasap.
Biyl qasietti meiramnyń birinshi kúni 16 maýsym, jeksenbige túsip tur.
«2024 jyly 6 maýsymda jańa aidyń kórinýine bailanysty biyl zulhijja aiy 7 maýsymda bastalyp, arapa 15 maýsymǵa, al Qurban ait 16 maýsymǵa sai keledi», - delingen habarlamada.
Al qoldanystaǵy zańǵa sáikes, dini meiram demalys kúnderge tússe, demalys basqa kúnge aýystyrylmaidy.
Iaǵni buǵan deiin QMDB dini merekeler kestesin jariialaǵan kezde, Qurban aittyń birinshi kúni 17 maýsym, dúisenbige túsetinin habarlanǵan. Degenmen, aidyń kórinýine bailanysty, qasietti meiram bir kún erte bastalatyn bolyp tur.
Aita keteri, úsh kúnge sozylatyn Qurban aitta jaǵdaiy kelgen musylmanǵa qurbandyq shalý – mindet.
