قازاقستاندىق تۋريستەر مەن بيزنەسمەندەردٸڭ پولشاعا ۆيزاسىز كەلۋٸن قولدايمىن. بۇل تۋرالى بٷگٸن اقوردادا ەلباسى نۇرسۇلتان نازارباەۆپەن كەڭەيتٸلگەن قۇرامداعى كەلٸسسٶزدەردەن كەيٸن بٸرلەسكەن مەلٸمدەمە جاساعان پولشا پرەزيدەنتٸ اندجەي دۋدامەن ايتتى, دەپ حابارلايدى قازاقپارات.
«بٸزدٸڭ كەسٸپكەرلەردٸڭ قازاقستانعا قىزىعۋشىلىعى ٶتە جوعارى. بٷگٸن استاناعا تەك قانا پولياك ٷكٸمەتٸنٸڭ ٶكٸلدەرٸ عانا ەمەس, سونىمەن بٸرگە قازاقستاندىق سەرٸكتەستەرمەن ىنتىماقتاستىقتى باستاۋعا نەمەسە تەرەڭدەتۋگە مٷددەلٸك تانىتاتىن پولياك كومپانييالارىنىڭ ٶكٸلدەرٸ كەلدٸ. پولياك فيرمالارى قازاقستاندىق نارىقتا بٸرنەشە جىل بويى جۇمىس ٸستەۋدە. مەنٸڭشە وعان پولياك ازاماتتارى ٷشٸن 30 كٷنگە دەيٸن ۆيزا رەجيمٸن الىپ تاستاۋ سىندى ەرەكەت ٶز سەپتٸگٸن تيگٸزٸپ وتىر. ٸسكەرلٸك بايلانىستاردى عانا ەمەس سونداي-اق تۋريستٸك ساپارلاردى دا جەڭٸلدەتەدٸ. قازاقستاننان بيزنەسمەندەر مەن تۋريستەردٸڭ پولشاعا ۆيزاسىز كەلۋٸن قولدايمىن. بٸز بۇل جايندا حالىقارالىق فورۋمدا دا ايتتىق. دەمەك, پرەزيدەنت مىرزا پولياك مەملەكەتٸنٸڭ ٶكٸلدەرٸ تاراپىنان قولداۋعا سەنٸم ارتا بەرۋٸڭٸزگە بولادى», - دەدٸ دۋدا.
سونىمەن قاتار پولشا پرەزيدەنتٸ ەرتەڭ قازاقستان پرەمەر-مينيسترٸ باقىتجان ساعىنتاەۆ «ەكسپو-2017» كٶرمەسٸندەگٸ قازاقستاندىق پاۆيلوندى كٶرسەتەتٸندٸگٸن ايتتى.
ايتا كەتەرلٸگٸ, بٸرلەسكەن مەلٸمدەمە بارىسىندا ەلباسى نۇرسۇلتان نازارباەۆ اندجەي دۋدادان قازاقستان ازاماتتارى ٷشٸن پولشادا ۆيزاسىز رەجيم ەنگٸزۋدٸ ٶتٸنگەن بولاتىن.
