Qazaqstandyq týrister men biznesmenderdiń Polshaǵa vizasyz kelýin qoldaimyn. Bul týraly búgin Aqordada Elbasy Nursultan Nazarbaevpen keńeitilgen quramdaǵy kelissózderden keiin birlesken málimdeme jasaǵan Polsha prezidenti Andjei Dýdamen aitty, dep habarlaidy QazAqparat.
«Bizdiń kásipkerlerdiń Qazaqstanǵa qyzyǵýshylyǵy óte joǵary. Búgin Astanaǵa tek qana poliak úkimetiniń ókilderi ǵana emes, sonymen birge qazaqstandyq seriktestermen yntymaqtastyqty bastaýǵa nemese tereńdetýge múddelik tanytatyn poliak kompaniialarynyń ókilderi keldi. Poliak firmalary qazaqstandyq naryqta birneshe jyl boiy jumys isteýde. Menińshe oǵan poliak azamattary úshin 30 kúnge deiin viza rejimin alyp tastaý syndy áreket óz septigin tigizip otyr. Iskerlik bailanystardy ǵana emes sondai-aq týristik saparlardy da jeńildetedi. Qazaqstannan biznesmender men týristerdiń Polshaǵa vizasyz kelýin qoldaimyn. Biz bul jainda halyqaralyq forýmda da aittyq. Demek, Prezident myrza poliak memleketiniń ókilderi tarapynan qoldaýǵa senim arta berýińizge bolady», - dedi Dýda.
Sonymen qatar Polsha Prezidenti erteń Qazaqstan Premer-Ministri Baqytjan Saǵyntaev «EKSPO-2017» kórmesindegi qazaqstandyq pavilondy kórsetetindigin aitty.
Aita keterligi, birlesken málimdeme barysynda Elbasy Nursultan Nazarbaev Andjei Dýdadan Qazaqstan azamattary úshin Polshada vizasyz rejim engizýdi ótingen bolatyn.
