قازاقستاندىق الاياقتار الداۋدىڭ جاڭا جولىن تاپتى

فوتو: pixabay.com

قازاقستاندىق الاياقتار الداۋدىڭ جاڭا جولىن تاپتى. بۇل تۋرالى Stopfake حابارلادى.

جاڭا تەسٸل بويىنشا, الاياقتار ادامدارعا سالىق قارىزدارىن تٶلەۋدٸ تالاپ ەتەتٸن حابارلامالار جٸبەرەدٸ ەكەن.

"ساق بولىڭىز جەنە ەستەن شىعارماڭىزدار: ەگەر بٸرەۋلەر قاشىقتان تٶلەم جاساۋدى ۇسىنسا, بارلىعىن مۇقييات تەكسەرٸپ الىڭىز, بۇل الاياقتاردان اقشانى قايتارۋدى تالاپ ەتۋدەن گٶرٸ وڭاي", - دەيدٸ جۋرناليستەر.

بۇل سحەما قالاي جٷزەگە اسىرىلادى?

فەيك "سالىق حابارلامالارى" ىقتيمال جەبٸرلەنۋشٸنٸڭ ەلەكتروندىق پوشتاسىنا كەلەدٸ. وندا "قارىزدى" قىسقا مەرزٸمدە ٶتەۋ تالاپ ەتٸلەدٸ. سونداي-اق, تٶلەم جاساۋعا بولاتىن تٸكەلەي سٸلتەمە ۇسىنىلادى. ال ول بويىنشا ٶتكەن ادامدار اقشانى بٸردەن الاياقتارعا اۋدارادى.

سالىق حابارلامالارى ەلەكتروندىق پوشتا ارقىلى جٸبەرٸلمەيتٸنٸن ۇمىتپاعان جٶن. مەملەكەتتٸك كٸرٸستەر كوميتەتٸنٸڭ سايتىنداعى رەسمي اقپاراتقا سەيكەس حابارلامالاردى پوشتا ارقىلى تاپسىرىستى حاتپەن, ارنايى موبيلدٸ نەمەسە ۆەب-قوسىمشا نە بولماسا "ازاماتتارعا ارنالعان ٷكٸمەت" مەملەكەتتٸك كورپوراتسيياسىنىڭ سەرۆيستەرٸ ارقىلى جٸبەرۋگە بولادى.

"بەلگٸسٸز بٸرەۋلەردەن كەلٸپ تٷسكەن ەلەكتروندىق حاتتاردى اشپاڭىز. مۇنداي حابارلامالاردى وقىماي بٸردەن ٶشٸرگەن دۇرىس. ال ەگەر ونى اشىپ قويساڭىز, وندا تٸركەلگەن سٸلتەمەلەر بويىنشا ٶتپەڭٸز جەنە فايلداردى جٷكتەمەڭٸز. ولار الاياقتىق سايتتارعا اپارۋى نەمەسە زييان باعدارلامالاردى قامتۋى مٷمكٸن", - دەيدٸ جۋرناليستەر.

ناقتى قارىزدىڭ بار-جوعىن قالاي تەكسەرۋگە بولادى?

تٶلەنبەگەن سالىقتار مەن ايىپپۇلداردىڭ بار-جوعىن Kaspi.kz, Halyk Bank جەنە E-Salyq Azamat سەرۆيستەرٸ ارقىلى بٸلۋگە بولادى:

• Kaspi.kz - "بارلىق تٶلەمدەر" → "ايىپپۇلدار مەن سالىقتار" → "سالىقتار" - "سالىقتار بويىنشا قارىزدار" → "تەكسەرۋ";
• Halyk Bank "بارلىق تٶلەمدەر" - "سالىقتار, ايىپپۇلدار, حقكو قىزمەتتەرٸ" → "سالىقتار" → "سالىق بەرەشەگٸن تٶلەۋ (كٶلٸك, جەر جەنە مٷلٸك)" "تەكسەرۋ";
• e-Salyq Azamat "ەلەكتروندىق سەرۆيستەر" "سالىق جەنە ەلەۋمەتتٸك تٶلەمدەر بويىنشا بەرەشەك سەرۆيسٸ" → "جسن ەنگٸزۋ" → "تابۋ".

كيبەرقىلمىسكەرلەردٸڭ "سالىق حابارلامالارى" تۋرالى العاش رەت 2023 جىلدىڭ سوڭىندا بەلگٸلٸ بولدى. بۇل سحەما تۋرالى قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ حابارلادى. سودان بەرٸ قازنەتتە الداۋدىڭ بۇل تٷرٸنە تاپ بولعان جاندار تۋرالى تالاي رەت جازىلدى.