فوتو: اشىق دەرەككٶز
قازاقستاندا بيىلعى جازدا بٸرنەشە ٸرٸ حالىقارالىق سپورت تۋرنيرٸ ۇيىمداستىرىلادى, دەپ حابارلايدى Ult.kz.
قازاقستان رەسپۋبليكاسىنىڭ تۋريزم جەنە سپورت مينيسترلٸگٸ ٶتكٸزگەن جۇمىس كەڭەسٸندە استانا, تٷركٸستان, شىمكەنت جەنە اقتاۋ قالالارىندا ٶتەتٸن حالىقارالىق جارىستارعا دايىندىق مەسەلەلەرٸ تالقىلاندى.
جيىندا سپورتشىلار مەن كٶرەرمەندەردٸڭ قاۋٸپسٸزدٸگٸن قامتاماسىز ەتۋ, سپورت نىساندارىنىڭ دايىندىعى, لوگيستيكا, مەديتسينالىق قىزمەت كٶرسەتۋ, شەتەلدٸك دەلەگاتسييالاردى ورنالاستىرۋ جەنە مەملەكەتتٸك ورگاندار اراسىنداعى ٷيلەسٸمدٸ جۇمىستى ۇيىمداستىرۋ مەسەلەلەرٸنە ەرەكشە نازار اۋدارىلعان.
كەڭەس بارىسىندا ەلوردادا ٶتەتٸن بوچچادان ەلەم كۋبوگٸنە دايىندىق پىسىقتالدى. اتالعان دوداعا ەلەمنٸڭ 25 ەلٸنەن سپورتشىلار قاتىسادى.
سونىمەن قاتار:
– 16 ەلدەن شامامەن 350 سپورتشى قاتىساتىن بايداركا مەن كانوەدە ەسكەك ەسۋدەن ازييا چەمپيوناتى;
– 1600-گە جۋىق سپورتشى باق سىنايتىن تاەكۆوندودان (WT) حالىقارالىق تۋرنيرلەر;
– 15 ەلدەن 250-گە جۋىق سپورتشى قاتىساتىن جەڭٸل اتلەتيكادان XXXV عۇسمان قوسانوۆ مەموريالى;
– 50 ەلدەن 500-گە جۋىق سپورتشى جينالاتىن كۋراشتان ەلەم چەمپيوناتى;
– 700 سپورتشى قاتىساتىن WKF كاراتەدەن ورتالىق ازييا چەمپيوناتىنا دايىندىق مەسەلەلەرٸ قارالدى.
تۋريزم جەنە سپورت مينيسترٸنٸڭ ورىنباسارى سەرٸك جاراسباەۆ حالىقارالىق جارىستاردى جوعارى دەڭگەيدە ٶتكٸزۋدٸڭ ماڭىزىن اتاپ ٶتتٸ. ونىڭ ايتۋىنشا, مۇنداي اۋقىمدى سپورتتىق ٸس-شارالار قازاقستاننىڭ حالىقارالىق ارەناداعى بەدەلٸن ارتتىرىپ, سپورت ينفراقۇرىلىمىن دامىتۋعا جەنە بۇقارالىق سپورتتى ناسيحاتتاۋعا سەرپٸن بەرەدٸ.
كەزدەسۋ قورىتىندىسى بويىنشا جاۋاپتى مەملەكەتتٸك ورگاندار مەن سپورت فەدەراتسييالارىنا حالىقارالىق جارىستارعا ساپالى ەرٸ ۋاقتىلى دايىندالۋ جٶنٸندە ناقتى تاپسىرمالار بەرٸلدٸ.
