بٷگٸن قازاقستان-سلوۆاكييا بيزنەس-فورۋمىندا قر پرەمەر-مينيسترٸ باقىتجان ساعىنتاەۆ ەكٸ ەلدٸڭ اراسىنداعى ساۋدا-ەكونوميكالىق ىنتىماقتاستىقتى دامىتۋ ٷشٸن بارىنشا قولداۋ جاسالاتىنىن مەلٸم ەتتٸ, دەپ حابارلايدى قازاقپارات.
«سلوۆاكييا ورتالىق ەۋروپاداعى قازاقستاننىڭ ماڭىزدى سەرٸكتەستەرٸنٸڭ بٸرٸ بولىپ وتىر. بٸزدٸ بايلانىستىراتىن ورتاق باسىمدىقتار كٶپ. وسى ورايدا ەكونوميكانىڭ يندۋستريالدىق-اگرارلىق باعىتى, دامىعان ادامي كاپيتال, تيٸمدٸ گەوگرافييالىق ورنالاسۋ سەكٸلدٸ ۇقساستىقتار بار. بيىل بٸز ەكٸ ەلدٸڭ اراسىندا ديپلوماتييالىق قاتىناستاردى ورناتۋدىڭ 25 جىلدىعىن اتاپ ٶتۋدەمٸز. قازاقستان مەن سلوۆاكييا اراسىنداعى دوستىق پەن سەرٸكتەستٸكتٸڭ وسى مەرزٸمٸندە سەنٸمدٸ ساياسي ديالوگ قالىپتاسىپ, ساۋدا-ەكونوميكالىق ەرٸ مەدەني-گۋمانيتارلىق ىنتىماقتاستىقتى دامىتۋ ٷشٸن قولايلى جاعدايلار جاسالدى», - دەدٸ ب. ساعىنتاەۆ.
بۇل تۇرعىدا ٷكٸمەت باسشىسى ساۋدا-ەكونوميكالىق سالاداعى بايلانىستاردا جاقسى قارقىن بايقالىپ جاتقاندىعىن ايتا كەلە, بٷگٸندە قازاقستاندا سلوۆاكييالىق كاپيتالدىڭ قاتىسۋىمەن 60-تان استام كەسٸپورىن تٸركەلگەنٸن جەتكٸزدٸ.
«بٸز الداعى ۋاقىتتا دا ساۋدا-ەكونوميكالىق ەرٸ ينۆەستيتسييالىق قاتىناستاردى كەڭەيتۋگە مٷددەلٸمٸز. ول ٷشٸن بٸزدە بارلىق جاعدايلار جاسالعان. بٷگٸندە قازاقستان تيٸمدٸ بيزنەس جٷرگٸزۋدە جاڭا مٷمكٸندٸكتەر مەن اۋقىمدى ەلەۋەتتٸڭ مەملەكەتٸنە اينالدى. بٸزدٸڭ ەاەو مٷشەسٸ ەكەنٸمٸزدٸ بٸلەسٸزدەر, بۇل رەتتە 180 ميلليون ادامدى قامتىپ تۇرعان ٷلكەن نارىق بار», - دەدٸ باقىتجان ساعىنتاەۆ.
سونىمەن قاتار ول بٸرلەسكەن جۇمىستاردى جٷرگٸزۋگە قوس تاراپتىڭ دا ٸسكەر توپتارى قىزىعۋشىلىق تانىتىپ وتىرعاندىعىن اتاپ ٶتتٸ.
ٶز كەزەگٸندە سلوۆاكييا پرەمەر-مينيسترٸ پەتەر پەللەگريني ەكٸ ەل اراسىنداعى ٶزارا ەكونوميكالىق قاتىناستاردى دامىتۋعا مٷددەلٸ ەكەندٸكتەرٸن جەتكٸزدٸ. سونداي-اق ول سلوۆاكييالىق كەسٸپكەرلەرگە قازاقستاندا قولايلى جاعدايلار جاسالعانىن دا راستادى.
«بٸز ەكونوميكالىق بايلانىستاردى تالقىلاعان كەزدە, قازاقستان سلوۆاكييا ٷشٸن ورتالىق ازييا ٶڭٸرٸندە باسىمدىققا يە ەكەنٸن اتاپ ٶتكەن جٶن. ىنتىماقتاستىقتى نىعايتۋدا جاڭاراتىن ەنەرگەتيكا, اۆتوموبيل ٶنەركەسٸبٸ, ماشينا جاساۋ, سۋدى تازارتۋ تەحنولوگيياسى, ازىق-تٷلٸك ٶنٸمدەرٸن ٶندٸرۋ سەكٸلدٸ سالالاردىڭ ەلەۋەتٸ جوعارى», - دەدٸ پ. پەللەگريني.
تاراتىلعان مەلٸمەتتەرگە قاراعاندا, قازاقستان مەن سلوۆاكييا اراسىنداعى سىرتقى ساۋدا اينالىمى 2018 جىلدىڭ 8 ايىندا 13,9 پايىزعا ٶسٸپ, 33,5 ملن اقش دوللارىنا جەتتٸ.
