فوتو: وقۋ-اعارتۋ مينيسترلٸگٸ
الماتىدا پەداگوگيكالىق جەنە عىلىمي قوعامداستىق ٶكٸلدەرٸنٸڭ قاتىسۋىمەن رەسپۋبليكالىق عىلىمي-پراكتيكالىق كونفەرەنتسييا ٶتتٸ. ٸس-شارانىڭ نەگٸزگٸ تاقىرىبى - بٸلٸم بەرۋدٸڭ بارلىق دەڭگەيلەرٸندە پەداگوگيكا سالاسىنداعى زەرتتەۋلەرمەن اينالىساتىن پەداگوگيكالىق عىلىمدى دامىتۋ ورتالىعىن قۇرۋ, دەپ حابارلايدى Ult.kz.
وقۋ-اعارتۋ مينيسترٸ عاني بەيسەمباەۆ سوڭعى جىلدارى پەداگوگتەردٸڭ كەسٸبي دەڭگەيٸن ارتتىرۋعا ەرەكشە نازار اۋدارىلعانىن اتاپ ٶتتٸ. مەسەلەن, ٶتكەن جىلى عىلىمي زەرتتەۋلەرمەن اينالىساتىن مۇعالٸمدەردٸڭ ٷلەسٸ 1,6 ەسە ٶستٸ, ال پەداگوگتەر اراسىنداعى ماگيسترلەر سانى رەكوردتىق 27,9 مىڭ ادامعا جەتتٸ. بۇدان بٶلەك, مينيسترلٸك پەداگوگتەر اراسىنان كادرلىق رەزەرۆتٸ قالىپتاستىرۋعا باعىتتالعان «بٸلٸم بەرۋدەگٸ ٶزگەرٸستەردٸڭ 1000 كٶشباسشىسى» جوباسىن ٸسكە اسىرۋدى جالعاستىرۋدا.
«بٸلٸمنٸڭ ساپالى بولۋى ۇستازدىڭ مىقتىلىعىنا بايلانىستى. بۇل بٸلٸم بەرۋ ينستيتۋتى پەداگوگيكالىق زەرتتەۋلەردٸ جٷيەلٸ دامىتۋعا, مۇعالٸمدەردٸڭ عىلىمي ەلەۋەتٸن كٷشەيتۋگە جەنە بولاشاق مامانداردى دايىنداۋ دەڭگەيٸن ارتتىرۋعا مٷمكٸندٸك بەرەد», - دەدٸ عاني بەيسەمباەۆ.
كونفەرەنتسييا اياسىندا مەكتەپكە دەيٸنگٸ, ورتا, تەحنيكالىق جەنە كەسٸپتٸك, سونداي-اق جوعارى جەنە جوعارى وقۋ ورنىنان كەيٸنگٸ بٸلٸم بەرۋدٸڭ ٶزەكتٸ مەسەلەلەرٸنە ارنالعان جۇمىس سەكتسييالارى ٶتتٸ. ٶڭٸرلەردەن كەلگەن عالىمدار مەن پەداگوگتەر ٷشٸن ونلاين-ترانسلياتسييا ۇيىمداستىرىلدى.
ٸس-شارادا ەل-فارابي اتىنداعى قازۇۋ جەنە ى.التىنسارين اتىنداعى ۇلتتىق بٸلٸم اكادەميياسى اراسىنداعى ىنتىماقتاستىق تۋرالى مەموراندۋمعا قول قويىلدى. كەلٸسٸم اياسىندا پەداگوگيكا سالاسىنداعى عىلىمي زەرتتەۋلەر الاڭىنا اينالاتىن پەداگوگيكا عىلىمىن دامىتۋ ورتالىعى قۇرىلاتىن بولادى.
