Foto: Oqý-aǵartý ministrligi
Almatyda pedagogikalyq jáne ǵylymi qoǵamdastyq ókilderiniń qatysýymen respýblikalyq ǵylymi-praktikalyq konferentsiia ótti. Is-sharanyń negizgi taqyryby - bilim berýdiń barlyq deńgeilerinde pedagogika salasyndaǵy zertteýlermen ainalysatyn pedagogikalyq ǵylymdy damytý ortalyǵyn qurý, dep habarlaidy Ult.kz.
Oqý-aǵartý ministri Ǵani Beisembaev sońǵy jyldary pedagogterdiń kásibi deńgeiin arttyrýǵa erekshe nazar aýdarylǵanyn atap ótti. Máselen, ótken jyly ǵylymi zertteýlermen ainalysatyn muǵalimderdiń úlesi 1,6 ese ósti, al pedagogter arasyndaǵy magistrler sany rekordtyq 27,9 myń adamǵa jetti. Budan bólek, ministrlik pedagogter arasynan kadrlyq rezervti qalyptastyrýǵa baǵyttalǵan «Bilim berýdegi ózgeristerdiń 1000 kóshbasshysy» jobasyn iske asyrýdy jalǵastyrýda.
«Bilimniń sapaly bolýy ustazdyń myqtylyǵyna bailanysty. Bul bilim berý institýty pedagogikalyq zertteýlerdi júieli damytýǵa, muǵalimderdiń ǵylymi áleýetin kúsheitýge jáne bolashaq mamandardy daiyndaý deńgeiin arttyrýǵa múmkindik bered», - dedi Ǵani Beisembaev.
Konferentsiia aiasynda mektepke deiingi, orta, tehnikalyq jáne kásiptik, sondai-aq joǵary jáne joǵary oqý ornynan keiingi bilim berýdiń ózekti máselelerine arnalǵan jumys sektsiialary ótti. Óńirlerden kelgen ǵalymdar men pedagogter úshin onlain-transliatsiia uiymdastyryldy.
Is-sharada Ál-Farabi atyndaǵy QazUÝ jáne Y.Altynsarin atyndaǵy Ulttyq bilim akademiiasy arasyndaǵy yntymaqtastyq týraly Memorandýmǵa qol qoiyldy. Kelisim aiasynda pedagogika salasyndaǵy ǵylymi zertteýler alańyna ainalatyn pedagogika ǵylymyn damytý ortalyǵy qurylatyn bolady.
