فوتو: Gov.kz
قازاقستاندا زاڭدى جەنە جەكە تۇلعالار ٷشٸن مەملەكەتتٸك رەمٸزدەردٸ قولدانۋ تەرتٸبٸ ەگجەي-تەگجەيلٸ رەگلامەنتتەلمەك, دەپ حابارلايدى Ult.kz.
بۇل تۋرالى پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا ٷكٸمەت وتىرىسىندا مەلٸمدەدٸ.
ۆيتسە-پرەمەر مەملەكەت باسشىسىنىڭ ۇلتتىق قۇرىلتايدىڭ V وتىرىسىندا بەرگەن تاپسىرمالارىن ورىنداۋ اياسىندا اتقارىلىپ جاتقان جۇمىستارعا توقتالدى. ونىڭ ايتۋىنشا, پرەزيدەنت ايقىنداپ بەرگەن «زاڭ جەنە تەرتٸپ», «ادال ازامات», «تازا قازاقستان» قاعيداتتارى بويىنشا جٷيەلٸ جۇمىس جالعاسادى.
سونداي-اق مەملەكەتتٸك رەمٸزدەردٸ, رۋحاني-ادامگەرشٸلٸك جەنە وتباسى قۇندىلىقتارىن ناسيحاتتاۋعا باعىتتالعان اقپاراتتىق-تٷسٸندٸرۋ شارالارى كٷشەيتٸلەدٸ. وسى ماقساتتا مەدەنيەت جەنە اقپارات مينيسترلٸگٸ زاڭدى جەنە جەكە تۇلعالار ٷشٸن مەملەكەتتٸك رەمٸزدەردٸ پايدالانۋ تەرتٸبٸن ناقتىلايتىن نورماتيۆتٸك ٶزگەرٸستەر ەزٸرلەيدٸ. سونىمەن قاتار كٶرنەكٸ نۇسقاۋلىقتار دايىندالادى.
مەملەكەت باسشىسىنىڭ تاپسىرماسىنا سەيكەس, مەملەكەتتٸك رەمٸزدەرگە ايرىقشا قۇرمەت كٶرسەتەتٸن ازاماتتاردى قوسىمشا ىنتالاندىرۋ تەتٸكتەرٸ دە قاراستىرىلماق.
ٷكٸمەت وتىرىسىندا تاريحي-مەدەني مۇرالاردى حالىقارالىق دەڭگەيدە ناسيحاتتاۋ مەسەلەسٸ دە كٶتەرٸلدٸ. پرەزيدەنتتٸڭ تاپسىرماسىمەن جاركەنت مەشٸتٸ مەن ۆوزنەسەنسك سوبورىن بٸرٸكتٸرەتٸن نوميناتسييانى, سونداي-اق قاراتاۋ جوتاسىنداعى پەتروگليفتەردٸ يۋنەسكو-نىڭ بٷكٸلەلەمدٸك مۇرالار تٸزٸمٸنە ەنگٸزۋ بويىنشا جۇمىستار جٷرگٸزٸلەدٸ. سونىمەن بٸرگە «ابايدىڭ قارا سٶزدەرٸن» يۋنەسكو-نىڭ «ەلەم جادى» تٸزٸمٸنە ەنگٸزۋگە ارنالعان قۇجاتتار ساراپتامالىق باعالاۋعا جولدانعان.
