مەملەكەتتٸك قىزمەتكەرلەردٸڭ تٶلەم جٷيەسٸ ولاردىڭ ەڭبەكاقىلارىن 50 پايىزعا ٶسٸرۋٸ مٷمكٸن. بۇل تۋرالى مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ايگٷل شايموۆا مەلٸمدەدٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
ونىڭ ايتۋىنشا, قازٸرگٸ كەزدە ەكٸ نەگٸزگٸ بٶلٸمنەن تۇراتىن جاڭا تٶلەم جٷيەسٸ ەنگٸزٸلٸپ جاتىر: داعدىلى جەنە اۋىسپالى.
"نەگٸزگٸسٸ - قىزمەت بويىنشا. ياعني قىزمەت دەڭگەيٸ ستراتەگييالىق مٸندەتتەردٸ جٷزەگە اسىرۋعا قانداي ٷلەس قوساتىندىعىنا بايلانىستى بولادى. ەگەر بۇرىن ەڭبەك ٶتٸلٸ مەن كاتەگوريياسى ەسكەرٸلەتٸن بولسا, جاڭا جٷيە بويىنشا قىزمەتكەر قانداي ٷلەس قوسىپ جاتقانىنا جەنە قالاي قىزمەت ەتەتٸندٸگٸن ەسكەرەدٸ", - دەيدٸ شايموۆا ٷكٸمەتتەگٸ بريفينگ بارىسىندا.
سونىمەن بٸرگە, جاڭا جٷيەنٸڭ ەكٸنشٸ بٶلٸگٸ قوسىمشا اقى تٶلەۋ تۇسىن قاراستىرادى.
"قوسىمشا اقى تٶلەۋ قىزمەتكەردٸڭ ٸسٸن توقسان سايىنعى باعالاۋعا بايلانىستى بولادى. ونىڭ جىلدىق ەڭبەگٸنٸڭ نەتيجەسٸ قوسىمشا اقى تٶلەۋگە ەسەر ەتەدٸ", - دەيدٸ ول.
قوسىمشا تٶلەمدٸ نەتيجە كٶرسەتەتٸن ٷزدٸك قىزمەتكەرلەر عانا الاتىن بولادى. "باعالاۋ بويىنشا قىزمەتكەرلەردٸڭ تٶرت كاتەگوريياسى بولادى.
"ٷزدٸك", "نەتيجەلٸ", "قاناعاتتاندىرارلىق" جەنە "نەتيجەلٸ ەمەس". قوسىمشا تٶلەمدٸ تەك "ٷزدٸك" جەنە "نەتيجەلٸلەر" الاتىن بولادى", - دەيدٸ شايموۆا.
قازٸر بۇل جٷيە تالقىلانىپ جاتىر جەنە ونىڭ پروباتسيياسى كەلەسٸ جىلى ٷش ورگاننىڭ ٷلگٸسٸندە جٷرگٸزٸلەتٸن بولادى.
"كەلەسٸ جىلى پيلوتتىق تٷردە ەنگٸزەمٸز. بارلىق كەمشٸلٸگٸ مەن ارتىقشىلىعىن كٶرگەن سوڭ عانا قازاقستان بويىنشا ەنگٸزەمٸز. الدىن الا ٶلشەم بويىنشا ەڭبەكاقى 50 پايىزعا ٶسەدٸ. بۇل الدىن الا بولجام عانا, دەل سولاي بولادى دەپ ايتا المايمىن", - دەيدٸ شايموۆا.
