Memlekettik qyzmetkerlerdiń tólem júiesi olardyń eńbekaqylaryn 50 paiyzǵa ósirýi múmkin. Bul týraly Memlekettik qyzmet isteri jáne sybailas jemqorlyqqa qarsy is-qimyl agenttigi tóraǵasynyń orynbasary Aigúl Shaimova málimdedi, - dep habarlaidy "Ult aqparat" kaz.tengrinews.kz portalyna silteme jasap.
Onyń aitýynsha, qazirgi kezde eki negizgi bólimnen turatyn jańa tólem júiesi engizilip jatyr: daǵdyly jáne aýyspaly.
"Negizgisi - qyzmet boiynsha. Iaǵni qyzmet deńgeii strategiialyq mindetterdi júzege asyrýǵa qandai úles qosatyndyǵyna bailanysty bolady. Eger buryn eńbek ótili men kategoriiasy eskeriletin bolsa, jańa júie boiynsha qyzmetker qandai úles qosyp jatqanyna jáne qalai qyzmet etetindigin eskeredi", - deidi Shaimova úkimettegi brifing barysynda.
Sonymen birge, jańa júieniń ekinshi bóligi qosymsha aqy tóleý tusyn qarastyrady.
"Qosymsha aqy tóleý qyzmetkerdiń isin toqsan saiynǵy baǵalaýǵa bailanysty bolady. Onyń jyldyq eńbeginiń nátijesi qosymsha aqy tóleýge áser etedi", - deidi ol.
Qosymsha tólemdi nátije kórsetetin úzdik qyzmetkerler ǵana alatyn bolady. "Baǵalaý boiynsha qyzmetkerlerdiń tórt kategoriiasy bolady.
"Úzdik", "nátijeli", "qanaǵattandyrarlyq" jáne "nátijeli emes". Qosymsha tólemdi tek "úzdik" jáne "nátijeliler" alatyn bolady", - deidi Shaimova.
Qazir bul júie talqylanyp jatyr jáne onyń probatsiiasy kelesi jyly úsh organnyń úlgisinde júrgiziletin bolady.
"Kelesi jyly pilottyq túrde engizemiz. Barlyq kemshiligi men artyqshylyǵyn kórgen soń ǵana Qazaqstan boiynsha engizemiz. Aldyn ala ólshem boiynsha eńbekaqy 50 paiyzǵa ósedi. Bul aldyn ala boljam ǵana, dál solai bolady dep aita almaimyn", - deidi Shaimova.
